اسلام آباد میں مشرق وسطیٰ کی کشیدہ صورتحال کے پیش نظر اہم سفارتی سرگرمیاں جاری ہیں جس کے تحت پاکستان کی جانب سے قیام امن کے لیے کوششیں تیز کر دی گئی ہیں۔ وفاقی دارالحکومت میں خطے کے اہم ممالک کے وزرائے خارجہ کا اجلاس متوقع ہے۔
مصر کے وزیر خارجہ بدر عبدالعاطی اسلام آباد پہنچ گئے ہیں جہاں دفتر خارجہ آمد پر نائب وزیراعظم اور وزیر خارجہ اسحاق ڈار نے ان کا استقبال کیا۔ دونوں رہنماؤں کے درمیان جاری ملاقات میں دوطرفہ تعلقات کے فروغ اور باہمی تعاون کو مزید مستحکم کرنے پر تبادلہ خیال کیا گیا۔ اس موقع پر مشرق وسطیٰ کی بدلتی ہوئی صورتحال پر بھی تفصیلی گفتگو کی گئی۔
سفارتی ذرائع کے مطابق اس اہم مشاورتی عمل میں ترکی اور سعودی عرب کے وزرائے خارجہ بھی شریک ہوں گے۔ ترک وزیر خارجہ ہاکان فیدان کی جلد دفتر خارجہ آمد متوقع ہے جہاں وہ اسحاق ڈار کے ساتھ الگ سے ملاقات کریں گے۔
دوسری جانب سعودی وزیر خارجہ شہزادہ فیصل بن فرحان آج دن کے کسی بھی حصے میں اسلام آباد پہنچیں گے۔ ان کی آمد کے بعد پاکستان، سعودی عرب، ترکی اور مصر کے وزرائے خارجہ کے مابین ایک اہم سہ فریقی سے چار فریقی سطح کا اجلاس شیڈول کیا گیا ہے۔
یہ اعلیٰ سطحی سفارتی رابطے مشرق وسطیٰ میں جاری کشیدگی کے پرامن حل اور خطے میں مذاکرات کے فروغ کے لیے پاکستان کے متحرک کردار کی عکاسی کرتے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…