وزیر اعظم محمد شہباز شریف نے اسلام آباد میں ترکیہ کے وزیر خارجہ ہاکان فیدان اور مصر کے وزیر خارجہ ڈاکٹر بدر عبدالعاطی سے ملاقات کے دوران خطے میں جاری کشیدگی کے خاتمے کے لیے پاکستان کے عزم کا اعادہ کیا ہے۔ وزیر اعظم نے اس بات پر زور دیا کہ ایران اور امریکہ کو مذاکرات کی میز پر لانے کے لیے پاکستان اپنی تمام تر سفارتی کوششیں بروئے کار لائے گا۔
ملاقات کے دوران وزیر اعظم کے ہمراہ نائب وزیر اعظم اور وزیر خارجہ سینیٹر محمد اسحاق ڈار، قومی سلامتی کے مشیر لیفٹیننٹ جنرل محمد عاصم ملک، معاون خصوصی طارق فاطمی اور سیکرٹری خارجہ آمنہ بلوچ بھی موجود تھے۔
وزیر اعظم نے ترک صدر رجب طیب اردوان اور مصری صدر عبدالفتاح السیسی کے لیے نیک خواہشات کا اظہار کرتے ہوئے ان کے ساتھ حالیہ رابطوں کا تذکرہ کیا۔ انہوں نے مہمان وزرائے خارجہ کو خطے میں امن کے قیام کے لیے پاکستان کی سفارتی کاوشوں سے آگاہ کیا اور اس بات پر زور دیا کہ جاری محاذ آرائی سے نہ صرف ایران بلکہ کئی برادر اسلامی ممالک میں انسانی جانوں، معیشت اور املاک کا ناقابل تلافی نقصان ہو رہا ہے، جسے روکنے کے لیے اجتماعی کوششیں ناگزیر ہیں۔
ملاقات میں دونوں ممالک کے وزرائے خارجہ نے مشرق وسطیٰ کی موجودہ صورتحال پر اپنے ممالک کا نقطہ نظر پیش کیا۔
غیر ملکی مہمانوں نے خطے میں امن کے قیام کے لیے پاکستان کے تعمیری کردار کو سراہا۔ انہوں نے موجودہ مشکل دور میں وزیر اعظم، نائب وزیر اعظم اور آرمی چیف جنرل سید عاصم منیر کی قیادت پر مکمل اعتماد کا اظہار کرتے ہوئے ان کی بصیرت کو خراج تحسین پیش کیا۔
نائب وزیراعظم اور وزیر خارجہ اسحاق ڈار دورانِ استقبال گرنے کے باعث زخمی ہو گئے۔…
واشنگٹن (ایجنسیاں) امریکی صدر ڈونلڈ ٹرمپ کا کہنا ہے کہ پاکستان کے ذریعے ایران کے…
کراچی میں اتوار کے روز پیش آنے والے تین مختلف ٹریفک حادثات کے نتیجے میں…
پاکستان نے امریکہ اور ایران کے درمیان جاری کشیدگی کے خاتمے کے لیے دونوں ممالک…
حیات ری ہیب کلینک کے سی ای او اور کلینیکل ماہر نفسیات ڈاکٹر شمشیر حیات…
ایرانی پارلیمنٹ کے اسپیکر محمد باقر قالیباف نے امریکہ کو خبردار کیا ہے کہ اگر…