کراچی میں اتوار کے روز پیش آنے والے تین مختلف ٹریفک حادثات کے نتیجے میں کم از کم دو افراد جاں بحق اور چھ زخمی ہو گئے۔
پہلا حادثہ کورنگی کے علاقے بلال چورنگی کے قریب پیش آیا، جہاں تیز رفتار واٹر ٹینکر نے موٹر سائیکل کو ٹکر مار دی۔ اس افسوسناک واقعے میں بیس سالہ سائمہ موقع پر ہی دم توڑ گئی جبکہ اس کے والد اور بہن شدید زخمی ہو گئے۔ امدادی ٹیموں نے لاش اور زخمیوں کو قریبی ہسپتال منتقل کر دیا۔
دوسرا حادثہ شاہراہ فیصل پر ناتھا خان پل کے قریب پیش آیا، جہاں تیز رفتاری کے باعث دو موٹر سائیکلیں آپس میں ٹکرا گئیں۔ تصادم کے نتیجے میں چالیس سالہ اقبال نامی شخص موقع پر ہی جاں بحق ہو گیا جبکہ دو دیگر افراد زخمی ہوئے۔ ریسکیو اہلکاروں نے فوری کارروائی کرتے ہوئے متاثرین کو ہسپتال پہنچایا۔
تیسرا واقعہ حب ریور روڈ پر پیش آیا، جہاں ایک تیز رفتار بس نے پک اپ کو ٹکر مار دی، جس کے نتیجے میں دو افراد زخمی ہوئے۔ ریسکیو ٹیموں نے موقع پر پہنچ کر زخمیوں کو طبی امداد کے لیے ہسپتال منتقل کیا۔
اعداد و شمار کے مطابق رواں سال کراچی میں ٹریفک حادثات کے دوران ہلاکتوں کی تعداد 262 تک پہنچ چکی ہے۔ ان میں سے 91 افراد محض 88 دنوں کے دوران ہیوی ٹریفک سے جڑے حادثات میں اپنی جانوں سے ہاتھ دھو بیٹھے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…