ترکی کے مغربی صوبے موغلا کے ساحل کے قریب تارکینِ وطن کی کشتی ڈوبنے سے کم از کم اٹھارہ افراد ہلاک ہو گئے۔ ترک کوسٹ گارڈ کے مطابق حادثہ بدھ کے روز پیش آیا جس کے بعد امدادی کارروائیاں فوری طور پر شروع کر دی گئیں۔
کوسٹ گارڈ حکام کا کہنا ہے کہ آؤٹ بورڈ موٹر والی یہ کشتی مقامی وقت کے مطابق تین بجے بوڈرم کے ساحل کے قریب دیکھی گئی۔ کشتی کے عملے نے رکنے کے انتباہ کو نظر انداز کرتے ہوئے فرار ہونے کی کوشش کی تاہم خراب موسم اور سمندری لہروں کے دباؤ کے باعث کشتی پانی میں ڈوب گئی۔
ریسکیو آپریشن کے لیے کوسٹ گارڈ کا ہیلی کاپٹر اور تین کشتیاں جائے وقوعہ پر روانہ کی گئیں۔ حکام کے مطابق اب تک اکیس افراد کو زندہ بچایا جا چکا ہے جبکہ لاپتہ ہونے والوں کی تلاش کا عمل تاحال جاری ہے۔
بیان میں اس بات کی وضاحت نہیں کی گئی کہ کشتی کہاں سے روانہ ہوئی تھی اور اس کی منزل کیا تھی۔ بحیرہ ایجیئن تارکینِ وطن کے لیے یورپ جانے کا ایک اہم اور خطرناک راستہ سمجھا جاتا ہے جہاں سے مشرقِ وسطیٰ اور شمالی افریقہ کے ہزاروں تارکینِ وطن ترکی کے راستے یورپ میں داخل ہونے کی کوشش کرتے ہیں۔ ترکی اس وقت شام، عراق اور افغانستان سے آنے والے لاکھوں پناہ گزینوں کی میزبانی کر رہا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…