ماسکو میں کریملن کے ترجمان دمتری پیسکوف نے تصدیق کی ہے کہ روسی صدر ولادیمیر پیوٹن جمعرات کے روز مصری وزیر خارجہ بدر عبدالعاطی کی میزبانی کریں گے۔ اس ملاقات میں ایران میں جاری کشیدگی، مشرق وسطیٰ کی مجموعی صورتحال اور دو طرفہ تعلقات پر تفصیلی تبادلہ خیال کیا جائے گا۔
یہ دورہ مصری صدر عبدالفتاح السیسی اور صدر ولادیمیر پیوٹن کے درمیان ہونے والی ٹیلی فونک گفتگو کے تسلسل میں ہو رہا ہے۔ مصری ایوانِ صدر کے مطابق صدر السیسی نے روسی ہم منصب پر زور دیا کہ عالمی سطح پر ماسکو کا اثر و رسوخ خطے میں جاری تنازعات کے خاتمے کے لیے کلیدی کردار ادا کر سکتا ہے۔
اس سے قبل گزشتہ ہفتے بھی مصری وزیر خارجہ اور ان کے روسی ہم منصب سرگئی لاوروف کے مابین مذاکرات ہوئے تھے، جس میں واشنگٹن اور تہران کے درمیان کشیدگی کو کم کرنے کے لیے سفارت کاری کی اہمیت پر زور دیا گیا تھا۔ اس موقع پر بدر عبدالعاطی نے ایران کے جوہری پروگرام پر مذاکرات کی بحالی اور مزید کشیدگی روکنے کے لیے قاہرہ کی کوششوں کو اجاگر کیا تھا۔
مصر حالیہ دنوں میں خطے میں جنگ بندی کے حصول اور مذاکرات کی بحالی کے لیے ترکی، سعودی عرب اور پاکستان سمیت دیگر بین الاقوامی شراکت داروں کے ساتھ سفارتی رابطوں کو تیز کر چکا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…