وزیر اعظم شہباز شریف اور چیف آف ڈیفنس فورسز و آرمی اسٹاف فیلڈ مارشل عاصم منیر نے جمعرات کے روز ایران اور امریکہ کے درمیان امن معاہدے کے حصول کے لیے پاکستان کی مکمل حمایت کا اعادہ کیا ہے۔ دونوں رہنماؤں نے فریقین کے درمیان دو ہفتے قبل ہونے والی جنگ بندی کے بعد جاری امن کوششوں پر تبادلہ خیال کیا۔
وزیر اعظم ہاؤس کی جانب سے جاری کردہ اعلامیے کے مطابق فیلڈ مارشل عاصم منیر نے وزیر اعظم سے ملاقات کی جس میں خطے میں پائیدار امن کے قیام کے لیے پاکستان کی مصالحتی کوششوں کا جائزہ لیا گیا۔ قیادت نے تمام فریقین کی جانب سے دکھائے گئے تحمل کو سراہا اور اس عزم کا اظہار کیا کہ پاکستان پرامن مذاکرات کے ذریعے تصفیے تک پہنچنے کے لیے ہر ممکن سہولت فراہم کرے گا۔
اعلامیے میں مزید کہا گیا کہ دونوں رہنماؤں نے اب تک کشیدگی میں کمی پر اطمینان کا اظہار کیا اور اس بات پر زور دیا کہ جنگ بندی کو برقرار رکھنا اور تمام فریقین کا تحمل کا مظاہرہ کرنا انتہائی اہم ہے۔
وزیر اعظم نے اس موقع پر متعلقہ فریقین کے عزم کی تعریف کی اور امن کی کوششوں میں ان کی کامیابی کے لیے نیک خواہشات کا اظہار کیا۔ وزیر اعظم نے پاکستان آنے والے وفود کو دعوت کا اعادہ کرتے ہوئے یقین دلایا کہ انہیں پاکستان کی جانب سے مکمل تعاون اور اعلیٰ ترین سطح پر پذیرائی حاصل ہوگی۔
لبنان نے اسرائیلی جارحیت کے فوری خاتمے کے لیے پاکستان سے تعاون کی درخواست کر…
امریکی سینیٹر ٹم کین نے خبردار کیا ہے کہ نیٹو سے انخلا کی کوئی بھی…
جعفریہ الائنس پاکستان کے صدر علامہ شہنشاہ حسین نقوی نے مطالبہ کیا ہے کہ پاکستان…
تہران میں ایرانی پارلیمنٹ کے اسپیکر محمد باقر قالیباف نے واضح کیا ہے کہ لبنان،…
حکومت سندھ کی جانب سے شروع کیے گئے سبسڈی پروگرام کے تحت اب تک 9…
آسٹریا کی وزارت خارجہ نے اسرائیل سے مطالبہ کیا ہے کہ وہ لبنان میں شہری…