اسرائیلی وزیراعظم بنجمن نیتن یاہو نے اپنے خلاف جاری بدعنوانی کے مقدمے میں گواہی دینے کے لیے مزید وقت مانگ لیا ہے۔ وکلاء کی جانب سے یروشلم ڈسٹرکٹ کورٹ میں جمع کرائی گئی درخواست میں مؤقف اختیار کیا گیا ہے کہ خطے کی موجودہ سکیورٹی صورتحال کے پیش نظر وزیراعظم فوری طور پر عدالت میں پیش ہونے سے قاصر ہیں۔
عدالتی دستاویزات کے مطابق نیتن یاہو نے کم از کم دو ہفتوں کے لیے گواہی ملتوی کرنے کی استدعا کی ہے۔ دفاعی ٹیم کا کہنا ہے کہ اسرائیل اور مشرق وسطیٰ میں پیش آنے والے حالیہ اہم واقعات کے باعث سکیورٹی اور سفارتی نوعیت کے معاملات انتہائی حساس ہیں، جس کی تفصیل ایک سربمہر لفافے میں عدالت کو فراہم کر دی گئی ہے۔
مقدمے کی سماعت اتوار کے روز دوبارہ شروع ہونی تھی، تاہم اب عدالت استغاثہ کا جواب موصول ہونے کے بعد ہی اس درخواست پر فیصلہ کرے گی۔ واضح رہے کہ بنجمن نیتن یاہو اسرائیل کی تاریخ کے پہلے برسرِ اقتدار وزیراعظم ہیں جنہیں مجرمانہ الزامات کا سامنا ہے۔
ان پر 2019 میں رشوت ستانی، فراڈ اور اختیارات کے ناجائز استعمال کے الزامات عائد کیے گئے تھے، جن سے وہ مسلسل انکار کرتے رہے ہیں۔ سن 2020 میں شروع ہونے والا یہ مقدمہ سرکاری مصروفیات اور دیگر وجوہات کی بنا پر بارہا التوا کا شکار رہا ہے اور تاحال اس کے مکمل ہونے کی کوئی حتمی تاریخ سامنے نہیں آسکی ہے۔
اکتوبر 2023 میں حماس کے حملوں اور بدعنوانی کے مقدمات کے باعث نیتن یاہو کی سیاسی ساکھ کو شدید نقصان پہنچا ہے۔ عوامی جائزوں کے مطابق اکتوبر میں متوقع انتخابات میں نیتن یاہو کی اتحادی حکومت، جو اسرائیل کی تاریخ کی سب سے دائیں بازو کی حکومت سمجھی جاتی ہے، کو شکست کا سامنا کرنا پڑ سکتا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…