امریکی صدر ڈونلڈ ٹرمپ نے وائٹ ہاؤس کے باہر میڈیا سے گفتگو کرتے ہوئے کہا ہے کہ ایران کے ساتھ کسی بھی ممکنہ معاہدے کے نتائج سے انہیں کوئی فرق نہیں پڑتا اور ہر صورت میں امریکہ ہی فاتح رہے گا۔
صدر ٹرمپ نے اسلام آباد میں جاری اعلیٰ سطح کے مذاکرات کا حوالہ دیتے ہوئے کہا کہ انہیں ان بات چیت کے بارے میں مسلسل رپورٹس موصول ہو رہی ہیں جو کئی گھنٹوں سے جاری ہیں۔ انہوں نے دو ٹوک الفاظ میں کہا کہ چاہے کچھ بھی ہو، فتح بہرحال امریکہ کی ہی ہوگی کیونکہ ہم نے اس ملک کو مکمل طور پر شکست دے دی ہے۔
ایرانی قیادت، فضائیہ اور بحریہ کو نشانہ بنانے کے اپنے سابقہ دعووں کو دہراتے ہوئے ٹرمپ نے کہا کہ اب امریکہ آبنائے ہرمز کو کھولنے پر کام کر رہا ہے۔ ان کا مزید کہنا تھا کہ یہ اقدام ان ممالک کی خاطر کیا جا رہا ہے جو یا تو خوفزدہ ہیں، کمزور ہیں یا پھر خرچ کرنے سے گریزاں ہیں۔
نیٹو اتحاد پر تنقید کرتے ہوئے امریکی صدر نے کہا کہ اس معاملے میں انہیں نیٹو کی جانب سے کوئی مدد نہیں ملی۔
اسلام آباد میں مشرق وسطیٰ میں جاری تنازع کے خاتمے کے لیے امریکی اور ایرانی حکام کے درمیان انتہائی اہم مذاکرات رات گئے تک جاری رہے۔ مذاکرات کے حوالے سے اپنی بے نیازی ظاہر کرتے ہوئے صدر ٹرمپ نے کہا کہ دیکھتے ہیں کیا ہوتا ہے، لیکن ان کی ذاتی رائے میں انہیں اس کے نتائج کی کوئی پرواہ نہیں ہے۔
اسلام آباد میں امریکا اور ایران کے درمیان ہونے والے طویل مذاکرات کسی حتمی معاہدے…
اسلام آباد میں امریکا اور ایران کے درمیان جاری مذاکرات کے طویل دور کے بعد…
عراق کی پارلیمنٹ نے ہفتے کے روز کرد سیاست دان نزار عمیدی کو ملک کا…
لبنان میں اسرائیلی فضائی حملوں کا سلسلہ جاری ہے جس کے نتیجے میں ہفتے کے…
پاکستان پیپلز پارٹی کے چیئرمین بلاول بھٹو زرداری نے کہا ہے کہ اسلام آباد میں…
سابق وزیر خارجہ خرم دستگیر نے کہا ہے کہ پاکستان نے ایران اور امریکا کے…