نائب وزیراعظم اور وزیر خارجہ اسحاق ڈار نے کہا ہے کہ ایران اور امریکہ کے درمیان جامع اور تعمیری مذاکرات کا انعقاد کیا گیا ہے اور دونوں فریقین پر زور دیا گیا ہے کہ وہ جنگ بندی کے عزم پر قائم رہیں۔
اسلام آباد میں پریس بریفنگ سے خطاب کرتے ہوئے اسحاق ڈار نے امید ظاہر کی کہ دونوں ممالک خطے اور اس سے باہر دیرپا امن اور خوشحالی کے حصول کے لیے مثبت انداز میں آگے بڑھیں گے۔ انہوں نے بتایا کہ وزیراعظم شہباز شریف کی جانب سے کی گئی درخواست پر دونوں فریقین نے مثبت ردعمل کا اظہار کیا۔
وزیر خارجہ نے جنگ بندی کے عزم کو برقرار رکھنے کی اہمیت پر زور دیا اور مذاکرات میں شرکت کرنے پر ایرانی اور امریکی وفود کا شکریہ ادا کیا۔ انہوں نے اس عزم کا اعادہ کیا کہ پاکستان مذاکراتی عمل میں سہولت کار کا کردار ادا کرنا جاری رکھے گا۔
تفصیلات فراہم کرتے ہوئے انہوں نے بتایا کہ امریکی وفد کی قیادت نائب صدر جے ڈی وانس نے کی جبکہ ایرانی وفد کی سربراہی اسپیکر محمد باقر قالیباف نے کی۔ دونوں ممالک کے درمیان مذاکرات کے متعدد دور ہوئے جو جامع اور تعمیری رہے۔
اسحاق ڈار نے مزید کہا کہ انہوں نے فیلڈ مارشل عاصم منیر سمیت اعلیٰ حکام کے ہمراہ ان مذاکرات کو کامیاب بنانے میں سہولت کاری کے فرائض سرانجام دیے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…