نائجیریا کے ہائیڈرولوجیکل سروسز ایجنسی نے خبردار کیا ہے کہ سال 2026 کے دوران ملک کے 36 میں سے 33 صوبوں سمیت وفاقی دارالحکومت ابوجا میں تباہ کن سیلاب کا شدید خطرہ موجود ہے۔ ایجنسی کی جانب سے جاری کردہ سالانہ رپورٹ کے مطابق ملک بھر کی 14 ہزار سے زائد کمیونٹیز سیلاب کی زد میں آ سکتی ہیں۔
ادارے نے اپنی رپورٹ میں واضح کیا ہے کہ بارشوں کا سلسلہ اپریل سے اکتوبر تک جاری رہتا ہے تاہم جولائی اور ستمبر کے درمیان سیلابی صورتحال عروج پر ہو گی۔ اس دوران شہری مراکز، زرعی اراضی اور اہم بنیادی ڈھانچے کو شدید خطرات لاحق ہوں گے۔
سرکاری اعداد و شمار کے مطابق 14 ہزار 118 کمیونٹیز کو ہائی رسک جبکہ 15 ہزار 597 علاقوں کو درمیانے درجے کے خطرے میں شامل کیا گیا ہے۔ حکام کا کہنا ہے کہ وفاقی دارالحکومت ابوجا کے علاوہ لاگوس اور پورٹ ہارکورٹ جیسے بڑے شہروں میں شہری سیلاب کا خدشہ ہے، جبکہ ساحلی علاقے بائلسا، ڈیلٹا اور ریورز دریا کے پانی کی سطح بلند ہونے اور سمندری لہروں سے متاثر ہو سکتے ہیں۔
نائجیریا ماضی میں بھی شدید سیلابوں کا شکار رہا ہے۔ سن 2022 میں آنے والے بدترین سیلاب کے باعث 600 سے زائد افراد ہلاک ہوئے تھے، 14 لاکھ لوگ بے گھر ہوئے اور 4 لاکھ 40 ہزار ہیکٹر زرعی رقبہ تباہ ہو گیا تھا۔ گزشتہ برس بھی سیلاب کے ایک واقعے میں 200 سے زائد افراد لقمہ اجل بن گئے تھے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…