یوکرین کی ڈرون فورسز کے کمانڈر کے مطابق یوکرینی افواج نے رات کے دوران روس کے سمارا ریجن میں واقع دو آئل ریفائنریز، ویسوتسک بندرگاہ پر موجود لوک آئل ٹرمینل اور روس کے زیر قبضہ کریمیا میں واقع ایک آئل ڈپو کو نشانہ بنایا ہے۔ کمانڈر رابرٹ بروودی نے ٹیلی گرام ایپ پر جاری بیان میں تصدیق کی کہ سیزران اور نووکویبیشیووسک ریفائنریز پر حملے کیے گئے۔
دوسری جانب حکام نے بتایا کہ روس نے بدھ کی رات یوکرین کے دارالحکومت کیف اور دیگر شہروں پر رواں برس کا مہلک ترین حملہ کیا ہے۔ ڈرون اور میزائل حملوں کے نتیجے میں بارہ سالہ بچے سمیت کم از کم سترہ افراد ہلاک اور متعدد زخمی ہوئے ہیں۔
کیف میں ہونے والے حملوں کے بعد شہر کے کئی مقامات پر آگ لگ گئی جس کا سیاہ دھواں فضا میں بلند ہوتا رہا۔ صبح کے وقت متاثرہ عمارتوں، بشمول رہائشی اپارٹمنٹس اور ایک ہوٹل کے ملبے کو ہٹانے کا کام جاری رہا جبکہ علاقے میں جلنے کی بو تاحال محسوس کی جا رہی تھی۔
روسی حکام اور میڈیا کے مطابق روس کے اندر بحیرہ اسود کی بندرگاہ توآپسی پر یوکرین کے ایک بڑے ڈرون حملے میں چودہ سالہ لڑکی سمیت دو افراد ہلاک اور سات زخمی ہوئے، جس کے نتیجے میں وہاں شدید آگ بھڑک اٹھی۔ یہ بندرگاہ ایک بڑی آئل ریفائنری کے ساتھ ساتھ تیل، کوئلے اور کھاد کی برآمد کا اہم مرکز ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…