کانگریس کے سینئر رہنما ملکارجن کھڑگے نے بھارتی وزیراعظم نریندر مودی کو دہشت گرد قرار دیتے ہوئے ان پر شدید تنقید کی ہے۔ تمل ناڈو میں ایک انتخابی ریلی سے خطاب کرتے ہوئے انہوں نے کہا کہ مودی کی قیادت میں شروع ہونے والا تذلیل اور رسوائی کا سفر بدستور جاری ہے۔
کھڑگے نے مودی کو مخاطب کرتے ہوئے کہا کہ وہ اس لیے دہشت گرد ہیں کیونکہ ان کی جماعت مساوات اور انصاف پر یقین نہیں رکھتی۔ کانگریس رہنما نے گزشتہ برس پیش آنے والے پہلگام واقعہ کا حوالہ دیتے ہوئے اسے بھارتی انٹیلی جنس ایجنسیوں کی ناکامی قرار دیا۔
انہوں نے دعویٰ کیا کہ مودی کو چھ مئی دو ہزار پچیس کو پیش آنے والے پہلگام واقعہ کے بارے میں پہلے سے علم تھا اور یہی وجہ تھی کہ انہوں نے اپنے دورہ مقبوضہ کشمیر کو منسوخ کر دیا تھا۔
تجزیہ کاروں کا کہنا ہے کہ بھارت کے اندر سے مودی کو دہشت گرد قرار دیا جانا ہندوتوا نظریے کے خلاف بڑھتے ہوئے عوامی غم و غصے کی عکاسی کرتا ہے۔ ناقدین کے مطابق پہلگام کے مبینہ فالس فلیگ آپریشن کو ایک برس گزرنے کے باوجود بھارت اپنے دعووں کے حق میں کوئی حتمی ثبوت پیش کرنے میں ناکام رہا ہے۔ تجزیہ کاروں کا مزید کہنا ہے کہ جارحانہ اور انتہا پسندانہ پالیسیوں کے باعث مودی عالمی سطح پر نفرت اور دہشت گردی کی علامت بن چکے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…