خلیج عدن میں بحری قزاقوں کے قبضے میں لیے گئے آئل ٹینکر پر موجود عملے کی ویڈیو منظر عام پر آ گئی ہے جس میں پاکستانی سمیت غیر ملکی مغویوں کو قید کی حالت میں دیکھا جا سکتا ہے۔ اس ویڈیو کے سامنے آنے کے بعد مغویوں کی بحفاظت بازیابی کے لیے مطالبات میں تیزی آ گئی ہے۔
رپورٹس کے مطابق یہ ویڈیو مبینہ طور پر بحری قزاقوں نے ریکارڈ کی ہے جس میں عملے کے ارکان کو جہاز کے ایک ہال میں موجود دیکھا جا سکتا ہے۔ ویڈیو میں کچھ مغوی سوئے ہوئے ہیں جبکہ دیگر افراد پریشانی کے عالم میں خاموش بیٹھے دکھائی دے رہے ہیں۔
کراچی میں مقیم مغوی پاکستانیوں کے اہل خانہ نے ویڈیو دیکھنے کے بعد اپنے پیاروں کی شناخت کر لی ہے جس کے بعد ان کی پریشانیوں میں مزید اضافہ ہو گیا ہے۔ متاثرہ خاندانوں نے حکومت سے مطالبہ کیا ہے کہ ان کے پیاروں کی بازیابی کے لیے کوششیں تیز کی جائیں اور ان کی بحفاظت واپسی کو یقینی بنایا جائے۔
جہاز کو ہائی جیک ہوئے آٹھ روز گزر چکے ہیں۔ اس سے قبل گزشتہ روز گورنر سندھ نے مغویوں کے اہل خانہ سے ملاقات کی تھی اور انہیں ہر ممکن تعاون کا یقین دلایا تھا۔ ویڈیو کے منظر عام پر آنے کے بعد یہ بحران ایک بار پھر توجہ کا مرکز بن گیا ہے اور حکومت پر سفارتی اور سیکیورٹی سطح پر فوری اقدامات کے لیے دباؤ بڑھ گیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…