اقوام متحدہ میں پاکستان کے مستقل مندوب عاصم افتخار احمد نے کہا ہے کہ مسئلہ فلسطین مشرق وسطیٰ میں عدم استحکام کی بنیادی وجہ ہے۔ منگل کے روز سلامتی کونسل میں مشرق وسطیٰ کی صورتحال پر منعقدہ مباحثے سے خطاب کرتے ہوئے انہوں نے کہا کہ عرب علاقوں پر اسرائیلی قبضہ اور فلسطین کا حل طلب مسئلہ خطے میں بدامنی کا باعث ہے۔
عاصم افتخار نے زور دیا کہ دو ریاستی حل کے ذریعے ایک آزاد فلسطینی ریاست کا قیام ہی خطے میں دیرپا اور منصفانہ امن کا واحد راستہ ہے۔ انہوں نے نشاندہی کی کہ غزہ میں جنگ بندی کے باوجود اسرائیلی حملوں میں آٹھ سو سے زائد فلسطینی شہید ہو چکے ہیں۔
پاکستانی مندوب نے غزہ امن منصوبے کے دوسرے مرحلے کی جلد تکمیل کا مطالبہ کیا۔ انہوں نے ویسٹ بینک میں آباد کاروں کے تشدد اور غیر قانونی بستیوں کی توسیع پر شدید تشویش کا اظہار کرتے ہوئے کہا کہ اسرائیل کے امتیازی اقدامات نسلی امتیاز پر مبنی نظام کو تقویت دے رہے ہیں۔
عاصم افتخار نے مطالبہ کیا کہ مسجد اقصیٰ میں مسلسل دراندازی اور مقدس مقامات کی بے حرمتی کا سلسلہ فوری طور پر بند کیا جائے۔ انہوں نے لبنان میں اسرائیلی فوجی کارروائیوں کے نتیجے میں دو ہزار سے زائد شہریوں کے ہلاک یا زخمی ہونے پر بھی تشویش کا اظہار کیا۔
انہوں نے اپنے خطاب کے آخر میں فلسطینی عوام اور ان کے جائز مقصد کے ساتھ پاکستان کی غیر متزلزل یکجہتی کا اعادہ کرتے ہوئے کہا کہ اسلام آباد اس مقصد کی حمایت جاری رکھے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…