صدر ڈونلڈ ٹرمپ کی مقبولیت اپنے موجودہ دور صدارت کی کم ترین سطح پر آ گئی ہے۔ رائٹرز اور ایپوس کی جانب سے کیے گئے ایک تازہ ترین سروے کے مطابق امریکی عوام کی جانب سے مہنگائی کے بحران اور ایران کے ساتھ غیر مقبول جنگ کے معاملے پر صدر کی کارکردگی پر عدم اطمینان کا اظہار کیا گیا ہے۔
پیر کو مکمل ہونے والے چار روزہ سروے میں صرف 34 فیصد امریکیوں نے وائٹ ہاؤس میں ٹرمپ کی کارکردگی کی حمایت کی، جبکہ 15 سے 20 اپریل کے درمیان کیے گئے گزشتہ سروے میں یہ شرح 36 فیصد تھی۔ جنوری 2025 میں اپنے عہدہ سنبھالتے وقت صدر ٹرمپ کی مقبولیت 47 فیصد تھی، جس میں مسلسل گراوٹ دیکھی جا رہی ہے۔
سروے میں شامل افراد میں سے صرف 22 فیصد نے مہنگائی پر قابو پانے کی ٹرمپ کی کوششوں کو سراہا، جو پچھلے سروے کے 25 فیصد کے مقابلے میں نمایاں کمی ہے۔ 28 فروری کو امریکہ اور اسرائیل کی جانب سے ایران کے خلاف جنگ کے آغاز کے بعد پیٹرول کی قیمتوں میں 40 فیصد سے زائد اضافہ ہوا ہے، جس سے فی گیلن قیمت 4.18 ڈالر تک پہنچ چکی ہے۔ عالمی تیل کی تجارت کا پانچواں حصہ متاثر ہونے کے باعث امریکی گھرانے شدید دباؤ کا شکار ہیں۔
وائٹ ہاؤس میں نامہ نگاروں کے عشائیے کے دوران پیش آنے والا فائرنگ کا واقعہ، جس میں ایک حملہ آور کو صدر تک پہنچنے سے قبل ہی روک لیا گیا تھا، سروے کے نتائج کا حصہ نہیں بن سکا کیونکہ اکثریت کی رائے اس سے قبل لی گئی تھی۔ وفاقی پراسیکیوٹرز نے ملزم پر صدر کے قتل کی کوشش کا مقدمہ درج کر لیا ہے، تاہم یہ دیکھنا باقی ہے کہ اس واقعے کے عوام کی رائے پر کیا اثرات مرتب ہوں گے۔
حکمران جماعت ریپبلکن کے اندر بھی تشویش پائی جاتی ہے، جہاں 41 فیصد ارکان نے مہنگائی سے نمٹنے کے معاملے پر صدر کی پالیسیوں کو مسترد کیا ہے۔ نومبر کے وسط مدتی انتخابات کے حوالے سے آزاد ووٹرز کا رجحان ڈیموکریٹس کی طرف زیادہ نظر آ رہا ہے، جہاں 34 فیصد ووٹرز نے ڈیموکریٹس جبکہ 20 فیصد نے ریپبلکنز کی حمایت کی ہے۔
ایران کے ساتھ جاری تنازعہ پر بھی عوامی حمایت میں کمی دیکھی گئی ہے اور صرف 34 فیصد امریکی اس جنگ کی حمایت کرتے ہیں۔ اگرچہ دونوں ممالک کے درمیان جنگ بندی ہو چکی ہے، لیکن خلیج فارس سے تیل کی ترسیل میں رکاوٹیں عالمی سطح پر توانائی کے بحران کو مزید ہوا دے رہی ہیں۔
یہ سروے ملک بھر میں آن لائن کیا گیا جس میں 1269 امریکی بالغ افراد کی رائے شامل کی گئی۔ سروے کے نتائج میں غلطی کا امکان تین فیصد تک ہو سکتا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…