ایرانی بحریہ کے سربراہ کی جانب سے نئے طاقتور ہتھیاروں کی تیاری کی تنبیہ

تہران میں ایرانی بحریہ کے سربراہ ایڈمرل شہرام ایرانی نے خبردار کیا ہے کہ ایران جلد ہی ایسے جدید ترین ہتھیاروں کو اپنے دفاعی نظام کا حصہ بنانے جا رہا ہے جن کی طاقت سے دشمن لرز اٹھیں گے۔ انہوں نے اپنے بیان میں کہا کہ ان جدید ہتھیاروں کی تنصیب آخری مراحل میں ہے اور امید ہے کہ ان کی نمائش کے بعد دشمن کسی سنگین طبی صدمے سے دوچار نہیں ہوں گے۔

ایڈمرل شہرام ایرانی نے واضح کیا کہ اگر کسی بھی حریف ملک نے بحیرہ عرب سے آبنائے ہرمز کی جانب پیش قدمی کرنے کی جسارت کی تو ایران اس کا فوری اور منہ توڑ جواب دینے کی مکمل صلاحیت رکھتا ہے۔

ایرانی بحریہ کے سربراہ نے مزید کہا کہ ماضی میں امریکی فوج کی جانب سے فوری فتح کے دعوے اب عالمی عسکری اکیڈمیوں میں ایک مذاق بن چکے ہیں اور ان دعووں کی حقیقت سب پر عیاں ہو چکی ہے۔