برطانیہ کے شہر برسٹل میں گھر کے اندر دھماکہ، دو افراد ہلاک

برطانیہ کے شہر برسٹل میں ایک گھر میں ہونے والے دھماکے کے نتیجے میں دو افراد ہلاک ہو گئے ہیں۔ مقامی پولیس نے اتوار کے روز واقعے کی تصدیق کرتے ہوئے اسے مشکوک قرار دے دیا ہے۔

پولیس حکام نے اس واقعے کو ایک بڑا حادثہ قرار دیا ہے تاہم واضح کیا ہے کہ اسے دہشت گردی کی کارروائی نہیں سمجھا جا رہا۔ تحقیقاتی ادارے جائے وقوعہ کے علاوہ اس سے منسلک ایک اور جائیداد کی بھی تلاشی لے رہے ہیں۔

پولیس کے مطابق تحقیقات ابھی ابتدائی مراحل میں ہیں تاہم فی الحال اس دھماکے کے سلسلے میں کسی اور مشتبہ شخص کی تلاش نہیں کی جا رہی ہے۔

ابتدائی اطلاعات کے مطابق دھماکے سے دیگر عمارتوں کو کسی قسم کا بڑا نقصان نہیں پہنچا ہے۔ حکام کا کہنا ہے کہ واقعے کے محرکات جاننے کے لیے تفتیش کا عمل جاری ہے۔