تہران نے آبنائے ہرمز میں تجارتی جہازوں کی نقل و حمل کے لیے ایک نیا طریقہ کار وضع کر لیا ہے۔ ایران کے سرکاری نشریاتی ادارے پریس ٹی وی کے مطابق اس پیش رفت کا مقصد اس اہم آبی گزرگاہ پر نگرانی کو مزید سخت کرنا ہے۔
ایرانی حکام نے امریکی بحریہ کو خبردار کیا ہے کہ وہ آبنائے ہرمز سے دور رہے۔ تہران کی جانب سے جاری کردہ ہدایات کے مطابق اب کسی بھی تجارتی جہاز کو اس راستے سے گزرنے کے لیے ایرانی فوج کے ساتھ پیشگی رابطہ اور کوآرڈینیشن کرنا لازمی ہوگا۔
اس سلسلے میں ایران نے آبنائے ہرمز کا ایک نیا نقشہ بھی جاری کیا ہے جس میں ایرانی کنٹرول کے دائرہ کار کو مزید وسیع دکھایا گیا ہے۔
یہ ایک تازہ ترین صورتحال ہے اور اس حوالے سے مزید تفصیلات کا انتظار ہے۔
