اسپین کی سیکیورٹی فورسز نے جزائر کناری کے قریب ایک کارگو جہاز سے 30 ٹن کوکین برآمد کر لی ہے، جسے یورپی تاریخ کی سب سے بڑی منشیات کی کھیپ قرار دیا جا رہا ہے۔
سپین کی ہائی کورٹ کے مطابق یکم مئی کو گارڈیا سول نے کوموروس کے پرچم تلے سفر کرنے والے جہاز آرکونین کو کارروائی کے دوران روکا۔ حکام نے برآمد شدہ منشیات کی مالیت 956 ملین ڈالر سے زائد بتائی ہے۔
یہ کارروائی منشیات کی اسمگلنگ کے خلاف ایک بڑی کامیابی ہے جس میں امریکی اور ڈچ حکام کا تعاون بھی شامل تھا۔ اس سے قبل یورپ میں سب سے بڑی برآمدگی جون 2024 میں جرمنی کی بندرگاہ ہیمبرگ سے 25 ٹن کوکین کی صورت میں ہوئی تھی۔
تفتیشی حکام کا ماننا ہے کہ یہ منشیات سمندر میں تیز رفتار کشتیوں کے ذریعے اسپین منتقل کی جانی تھی۔ کارروائی کے دوران جہاز کے تمام 23 عملے کے ارکان کو حراست میں لے لیا گیا ہے۔
حکام نے جہاز سے اسلحہ اور گولہ بارود بھی برآمد کیا ہے جبکہ جہاز میں چھپے ہوئے چھ افراد کو بھی گرفتار کیا گیا ہے۔ عملے کے 17 ارکان کا تعلق فلپائن سے ہے جبکہ چھپے ہوئے افراد کا تعلق نیدرلینڈز اور سورینام سے بتایا گیا ہے۔
اسپین میں اس سے قبل سب سے بڑی کارروائی گزشتہ برس ہوئی تھی جب ایکواڈور سے آنے والے کیلے کے کنٹینرز سے 13 ٹن منشیات برآمد کی گئی تھیں۔
بین الاقوامی مالیاتی فنڈ کے ایگزیکٹو بورڈ نے واشنگٹن میں ہونے والے اپنے اہم اجلاس…
میئر کراچی مرتضیٰ وہاب نے کے ایم سی ہیڈ آفس سے سندھ اسمبلی تک الیکٹرک…
میئر کراچی مرتضیٰ وہاب نے کے ایم سی ہیڈ آفس سے سندھ اسمبلی تک الیکٹرک…
پاکستان بھر میں شدید گرمی کی لہر کا سلسلہ جمعہ کے روز بھی جاری رہا…
میانمار کے شورش زدہ خطے میں کان کنوں نے ایک انتہائی نایاب اور دیوہیکل یاقوت…
چین کے شہر لیلنگ میں قائم آتش بازی کا سامان بنانے والی فیکٹریوں نے امریکہ…