سائنسدانوں نے خبردار کیا ہے کہ رواں برس موسمیاتی تبدیلیوں اور بحر الکاہل میں ایل نینو کے شدید اثرات کے باعث دنیا بھر میں ریکارڈ توڑ درجہ حرارت اور خوفناک آگ لگنے کے واقعات کا خدشہ ہے۔ ورلڈ ویدر ایٹری بیوشن نامی تحقیقی ادارے کے اعداد و شمار کے مطابق جنوری سے اپریل کے دوران دنیا بھر میں 15 کروڑ ہیکٹر سے زائد اراضی جل کر راکھ ہو چکی ہے جو کہ گزشتہ تمام ریکارڈز کے مقابلے میں 20 فیصد زیادہ ہے۔
امپیریل کالج لندن کے وائلڈ فائر ماہر تھیوڈور کیپنگ کا کہنا ہے کہ افریقہ میں اب تک 8 کروڑ 50 لاکھ ہیکٹر رقبہ جل چکا ہے جو گزشتہ ریکارڈ سے 23 فیصد زیادہ ہے۔ افریقہ میں اس تباہی کی بنیادی وجہ موسمیاتی تغیرات کے باعث انتہائی نمی اور پھر اچانک شدید خشک سالی کا پیدا ہونا ہے جس سے گھاس پھوس خشک ہو کر آگ کے لیے ایندھن کا کام کر رہی ہے۔
ایشیا میں صورتحال مزید تشویشناک ہے جہاں اب تک 4 کروڑ 40 لاکھ ہیکٹر رقبہ آگ کی نذر ہو چکا ہے جو 2014 کے ریکارڈ سے 40 فیصد زیادہ ہے۔ متاثرہ ممالک میں بھارت، میانمار، تھائی لینڈ، لاؤس اور چین شامل ہیں۔ ماہرین کے مطابق ایل نینو کے باعث آسٹریلیا، کینیڈا، امریکا اور ایمیزون کے جنگلات میں بھی آگ لگنے کے خطرات میں اضافہ ہو گیا ہے۔
عالمی ادارہ موسمیات کے مطابق بحر الکاہل کی سطح کے درجہ حرارت میں اضافے سے پیدا ہونے والے ایل نینو کے اثرات مئی سے شروع متوقع ہیں۔ ماہرین نے متنبہ کیا ہے کہ اگر ایل نینو کی شدت برقرار رہی تو رواں برس انسانی تاریخ کے بدترین موسمیاتی حالات کا سامنا کرنا پڑ سکتا ہے۔
امپیریل کالج لندن کی ماہر فریڈرک اوٹو کا کہنا ہے کہ موسمیاتی تبدیلیوں اور ایل نینو کا امتزاج غیر معمولی موسمی شدت کا باعث بنے گا جس سے خشک سالی اور آگ لگنے کے واقعات میں مزید تیزی آئے گی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…