امریکی پینٹاگون کے ایک اعلیٰ عہدیدار نے منگل کے روز انکشاف کیا ہے کہ ایران کے خلاف جاری جنگ پر اب تک 29 ارب ڈالر کے اخراجات اٹھ چکے ہیں۔ یہ رقم گزشتہ ماہ دیے گئے تخمینے سے 4 ارب ڈالر زیادہ ہے۔
اپریل کی 29 تاریخ کو پینٹاگون نے جنگ کے اخراجات کا تخمینہ 25 ارب ڈالر بتایا تھا۔ محکمہ دفاع کے کمپٹرولر کے فرائض سرانجام دینے والے جولز ہرسٹ نے قانون سازوں کو بتایا کہ اس نئی رقم میں فوجی سازوسامان کی مرمت، تبدیلی اور آپریشنل اخراجات شامل ہیں۔
جولز ہرسٹ نے وزیر دفاع پیٹ ہیگسیٹھ اور چیئرمین جوائنٹ چیفس آف اسٹاف جنرل ڈین کین کے ہمراہ گفتگو کرتے ہوئے کہا کہ جوائنٹ اسٹاف اور کمپٹرولر کی ٹیمیں مسلسل اخراجات کے تخمینوں کا جائزہ لے رہی ہیں۔ تاہم پینٹاگون کی جانب سے 29 ارب ڈالر کے اس حتمی اعداد و شمار تک پہنچنے کا طریقہ کار تاحال واضح نہیں ہے۔
اس صورتحال کے سیاسی مضمرات بھی سامنے آ رہے ہیں۔ امریکہ میں وسط مدتی انتخابات میں صرف چھ ماہ باقی ہیں، جن میں صدر ڈونلڈ ٹرمپ کی ریپبلکن پارٹی کو ایوان نمائندگان میں اپنی اکثریت برقرار رکھنے کے لیے سخت چیلنج کا سامنا ہے۔ دوسری جانب اپوزیشن ڈیموکریٹس عوامی سروے میں سبقت حاصل کر رہے ہیں اور جنگی اخراجات کو ملکی مہنگائی اور عوام کے معیار زندگی کے مسائل سے جوڑنے کی کوشش کر رہے ہیں۔
واضح رہے کہ مارچ میں رائٹرز کو ملنے والی اطلاعات کے مطابق ٹرمپ انتظامیہ نے اندازہ لگایا تھا کہ جنگ کے ابتدائی چھ دنوں میں ہی کم از کم 11 اعشاریہ 3 ارب ڈالر خرچ ہو چکے تھے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…