موجودہ حکومت کی ناقص پالیسیوں اور لفاظی کے سبب معیشت کا دھڑن تختہ ہونے کے ساتھ بجلی کا بحران بھی سنگین ہوگیا ہے۔
شہر اقتدار سے ملحقہ علاقوں کے عوام گزشتہ ماہ سے جاری غیر اعلانیہ اور کئی کئی گھنٹوں کی بجلی کی بندش سے بلبلا اٹھے اور بلا آخر اسلام آباد کے اہم جنکشن روات ٹی چوک کو سینکڑوں مظاہرین نے بدھ کی رات بلاک کردیا جس کے نتیجے میں تجارتی ٹرکوں کی طویل قطاریں لگ گئیں۔
واضع رہے کہ وزیر اعظم شہباز شریف نے اقتدار سنبھالتے ہی یکم مئی سے (صفر لوڈ شیڈنگ) کا دعوا کیا تھا جس کے برعکس بجلی کی غیر اعلانیہ بندش میں کئی گنا اضافہ ہوگیا۔
وزارت توانائی کے اعداد و شمار کے مطابق اسوقت ملک بھر میں بجلی کی پیداواری صلاحیت 18 ہزار میگاواٹ جبکہ طلب 26 ہزار میگاواٹ سے تجاوز کرچکی ہے۔ جٹا ہتھیال روات کے اطراف ہزاروں رہائشیوں کا کہنا ہے کہ نا اہل حکمرانوں نے مہنگائی کے بعد شدید گرمی میں بجلی کی سہولت پر بھی قدغن لگادی ہے۔
دوسری جانب ماہرین کا کہنا ہے کہ موجودہ حکومت کی جانب سے ایندھن کے سودوں میں تاخیر بجلی کے سر ابھارتے بحران کی وجہ بن رہی ہے۔ رات گئے روات ٹی چوک کو بلاک کرنے والے مشتعل مظاہرین نے چھے سے آٹھ گھنٹوں کی غیر اعلانیہ لوڈ شیڈنگ کے خاتمے تک احتجاج جاری رکھنے کا عندیہ دیا۔
واضع رہے کہ پنجاب اور خصوصا”شہر اقتدار کے اطراف طارق آباد سب ڈویژن کے علاقوں ٹاہلی موہری، نورس کالونی، محمد محلہ، غوثیہ چوک میں بھی ہفتہ کی شب سے بجلی کی غیر اعلانیہ بندش جاری رہی جبکہ سواں سب ڈویژن کے علاقے شادمان کالونی، جہلم روڈ وغیرہ میں بھی مین ٹے ننس کے نام پر کئی گھنٹوں بجلی غائب رہی۔
This is situation of #Traffic in #Rawat right now. Roads are completely blocked for past 5 hours due to protests of masses.#NationalHighways&MotorwayPolice#update #RoadSafety pic.twitter.com/O29P6elrFA
— شارزہ شکیل (@Sharza_Shakeel) May 18, 2022
مزکورہ علاقوں کے عوام کا کہنا ہے کہ آئیسکو اور واپڈا حکام شکایت پر ایک ہی جواب کی گردان کررہے ہیں کہ ایک گھنٹے میں بجلی بحال ہوگی لیکن عمل طور پر ایسا نہیں ہورہا۔
