آئل ماکیٹنگ کمپنیوں پر جرمانے کی بجائے بلیک لسٹ کیا جائے: سمیر نجم الحسن

آئل مارکیٹنگ کمپنیوں نے پیٹرولیم مصنوعات کی قیمتوں میں اضافے کے پیش نظر حسب روایت پمپس کی پیٹرول کی سپلائی روک لی ھے یا محدود کردی ھےجس کے نتیجے میں بیشتر پیٹرول پمپ ڈرائی ھوگئے ھیں۔

آل پاکستان پیٹرولیم ریٹیلرز ایسوسی ایشن کے مرکزی رہنماء سمیر نجم الحسن نے کہا ہے کہ صارفین آئل مارکٹنگ کمپنیوں کی چیرہ دستیوں کو سمجھنے کی بجائے پیٹرول کی قلت پر پمپ مالکان اور ان کے ملازمین کو ہی مورود الزام ٹہراتے ہیں۔ انہوں نے کہا کہ عوام کو وفاقی حکومت سے بڑی امیدیں وابستہ تھیں لیکن ہر شعبے میں مافیا کو لگام ڈالنے کی بجائے انہیں عوام کے معاشی قتل کی کھلی چھوٹ دے دی گئی ہے۔ سمیر نجمل الحسن نے کہا ہے کہ آئل مارکیٹنگ کمپنیوں کو لگام ڈالنے کی بجائے اوگرا ان پر معمولی جرمانے کررہی ہے لیکن یہ کمپنیاں پیٹرولیم سپلائی روک کر کروڑوں روپے کما لیتی ہیں۔ آل پاکستان پیٹرولیم ریٹیلرز ایسوسی ایشن کے مرکزی رہنماء سمیر نجم الحسن نے حکومت سے مطابہ کیا ہے کہ آئل ماکٹنگ کمپنیوں پر جرمانے کی بجائے انہیں بلیک لسٹ کیا جائے۔