35 ویں تین روزہ پاکستان لائف اسٹائل فرنیچرنمائش کا آغاز ہوگیا۔ کراچی ایکسپو سینٹرکے دو ہالز پر مشتمل تین روزہ نمائش میں مقامی سطح کے اعلی معیار کے 50 برانڈز مشتہر کیئے جارہے ہیں۔
نمائش کا افتتاح کرتے ہوئے گورنر سندھ عمران اسماعیل نے کہا کہ کورونا وباء کے نتیجے میں دنیا بھر کی معیشتیں لرز گئی ہیں ترقیافتہ ممالک میں مہنگائی کا طوفان امڈ آیا ہے لیکن عالمی تناظر میں مقابلتا” پاکستان میں اس کے اثرات کم ہیں۔
گورنر سندھ نے کہا کہ پاکستان کی فرنیچر انڈسٹری ماضی کے مقابلے میں کئی گنا ترقی کرچکی ہے۔ انہوں نے کہا کہ ہماری حکومت انڈسٹری کے بنیادی مسائل کو ترجیحی بنیادوں پرحل کرنے کی خوہاں ہے۔
گورنر سندھ عمران اسماعیل نے کہا کہ پاکستان کے فرنیچر کی کشیدہ کاری کی دنیا بھر میں مانگ ساتھ ہی جدید اور ہلکے فرنیچر میں بھی پاکستانی ہنرمندں نے اپنا آپ منوایا ہے۔
انہوں نے پاکستان لائف اسٹائل فرنیچر ایکسپو کے منتظمین فیصل محسن، زارا فیصل، عدنان افضل، مدیحہ عدنان اور ان کی ٹیم کو مبارکباد پیش کرتے ہوئے کہا کہ کووڈ کی وباء کے بعد ایک چیلینج کے طور پر ایسے ایونٹ کا انعقاد قابل تحسین ہے۔ گورنر سندھ عمران اسماعیل نے میڈیا سے گفتگو کرتے ہوئے کہا کہ ہم سب کی ذمہ داری ہے کہ معاشی حب کراچی کی رونقوں کی بحالی اور شہر کی ترقی میں بلا امتیاز اور بڑھ چڑھ کر حصہ لیں۔
انہوں نے گرین لائن بسوں کا ذکرکرتے ہوئے کہا کہ مزید چالیس بسیں آچکی ہیں اوروعدے کے مطابق عوام کی سہولت کو عوام کیلئے شروع کرنے جارہے ہیں۔ انہوں نے کہا کہ اس شہر ہی نہیں صوبے کے مسائل بھی بھی حل کیئے جائیں گے۔ انہوں نے کہا کہ کراچی کو سیاست سے نہیں بلکہ وزیر اظم عمران خان کے وژن کے مطابق علمی طور پر حل کرنے کیلئے وفاق سنجیدہ ہے۔ بعدازاں گورنر سندھ نے نمائش کے مختلف اسٹالز کا معائنہ کیا۔
اس موقع پر نمائش کی ڈائریکٹر زارا فیصل نے گورندھ سندھ کو ملک بھر میں پاکستان لائف اسٹائل فرنیچر کے بینر تلے منعقد کی گئی نمائشوں سے آگاہ کیا۔
پاکستان لائف اسٹائل فرنیچر ایکسپو کی ڈائریکٹر زارا فیصل اور فیصل محسن نے میڈیا کو بریفنگ کے دوران بتایا کہ کووڈ کی دوسری لہر کے بعد اس نمائش کے انعقاد کے سلسلے میں کئی چیلنجز کا سامنا تھا جس میں سماجی فاصلے اور عوام کو شرکت کیلئے فیس ماسک کی ترغیب ضروری جز تھے جے میں اللہ کے فضل سے ہم کامیاب ہوئے ہیں۔
نمائش کے آرگنائزر عدنان افضل نے کہا کہ کراچی کے عوام باشعور ہیں اور ہر اچھے ایونٹ کو سراہتے ہیں۔ 35 ویں تین روزہ پاکستان لائف اسٹائل فرنیچر ایکسپو کے افتتاحی دن عوام نے مقامی فرنیچر کی خریداری اوردی جانے والی رعایت میں خصوصی دلچسپی لی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…