امسال جنوری سے ستمبر تک کے عرصہ میں پاکستان سے کینیڈا بھجوائی گئی برآمدات میں بتیس فیصد اصافہ ریکارڈ کیا گیا ہے۔
کینیڈین حکومت کے اعداد و شمار کے مطابق موجودہ کیلنڈر ایئر کے پہلے نو ماہ میں پاکستان سے کینیڈا بھجوائی گئی برآمدات کا حجم تین سو تیرہ ملین امریکی ڈالر تک پہنچ چکا ہے جبکہ پچھلے کلینڈر ایئر میں جنوری سے ستمبر تک کینیڈا بھجوائی گئی پاکستانی مصنوعات کا حجم دو سو سینتیس اعشاریہ ایک ملین امریکی ڈالر رہا تھا۔
موجودہ کلینڈر ایئر کے پہلے نو ماہ میں پاکستان سے کینیڈا بھجوائی گئی برآمدات میں بتیس فیصد اضافہ ریکارڈ ہو چکا ہے۔
اس امر کا اظہار کینیڈا میں مقیم پاکستانی کمیونٹی کے لیے منعقدہ ماہانہ ای کچہری کے دوران کیا گیا جس کا اہتمام کینیڈا میں پاکستان ہائی کمیشن نے ٹورنٹو،وینکوور اور مانٹریال میں منعقدہ پاکستانی قونصل خانوں کی معاونت سے کیا۔
ای کچہری میں کینیڈا میں پاکستان کے سفیر امیر خرم راٹھور سمیت قو نصل جنرل آف پاکستان ٹورنٹو عبد الحمید، قونصل جنرل آف پاکستان مانٹریال اشتیاق احمد عاقل ، قونصل جنرل آف پاکستان وینکوور جانباز خان اور کینیڈا میں مقیم پاکستانی کمیونٹی کی ایک بڑی تعداد نے شرکت کی۔
ای کچہری سے خطاب کرتے ہوئے کینیڈا میں پاکستان کے سفیر امیر خرم راٹھور نے کہا کہ وزیر اعظم عمران خان کی حکومت پاکستان کی معاشی و سماجی ترقی میں بیرون ملک پاکستانیوں کے کردار کو انتہائی قدر کی نگاہ سے دیکھتی ہے اور اسی بنا پر بیرون ملک مقیم پاکستانیوں کو پاکستان میں انتخابی عمل میں شریک کرنے کے لیے حکومت پاکستان کی جانب سے قانون سازی کی گئی ہے اور اس ضمن میں پارلیمنٹ کے مشترکہ اجلاس سے قانونی بل منظور کرایا گیا ہے جس کے نفاذ سے بیرونی ملک پاکستانی آئندہ انتخابات میں اپنا حق رائے دہی استعمال کر سکیں گے۔
اس سے قبل ویبی نار کے شرکاء کو بتایا گیا کہ پاکستان ہائی کمیشن کینیڈا کی جانب سے تئیس نومبر کو کینیڈا اور پاکستانی کے تعلمی ماہرین، کنسلٹنٹس کے اشتراک سے ایک آن لائن تعلیمی نمائش کا اہتمام کیا جا رہا ہے جس کے ذریعے پاکستانی طلبا و طالبات کو کینیڈا کے اعلیٰ تعلیمی اداروں میں تعلیم حاصل کرنے کے مواقع اور بالخصوص کینیڈین حکومت کی جاری کردہ اسٹوڈنٹ ڈائریکٹ سٹریم کے ذریعے پاکستانی طلبا و طالبات کو سٹوڈنٹ ویزا کی آسان فراہمی کے حوالے سے معلومات فراہم کی جائیں گی۔
ای کچہری کے دوران حکومت پاکستان کی جانب سے فراہم کردہ عوامی اور قونصلر خدمات کی بروقت فراہمی کے حوالے سے کینیڈا میں مقیم پاکستانیوں کے جملہ سوالات کے تفصیلی جوابات دیے گئے۔
واشنگٹن (ویب ڈیسک) امریکی صدر ڈونلڈ ٹرمپ نے واضح کیا ہے کہ ایران کے جوہری…
روسی صدر ولادیمیر پیوٹن اور ان کے امریکی ہم منصب ڈونلڈ ٹرمپ کے درمیان ٹیلی…
خیبر پختونخوا کے وزیر اعلیٰ سہیل آفریدی کی زیر قیادت منعقدہ ایک مشترکہ جرگے میں…
اگرچہ امریکا کی بنیاد برطانوی بادشاہت کے خلاف بغاوت پر رکھی گئی تھی، تاہم دونوں…
پاکستان پیپلز پارٹی کے چیئرمین بلاول بھٹو زرداری نے کراچی میں ازبکستان کے صوبہ نوائی…
امریکا کی جانب سے ایران کے خلاف شروع کی گئی جنگ پر اب تک پچیس…