وزیر اعظم شہباز شریف اور آذربائیجان کے صدر الہام علیوف کے درمیان ٹیلی فونک رابطہ ہوا ہے جس میں دونوں رہنماؤں نے عید الفطر کے پرمسرت موقع پر ایک دوسرے کو مبارکباد پیش کی۔
وزیر اعظم نے آذربائیجان کے صدر اور وہاں کے عوام کے لیے نیک خواہشات کا اظہار کیا جس کا صدر الہام علیوف نے خیرمقدم کرتے ہوئے پاکستانی عوام کے لیے بھی تہنیتی جذبات کا اعادہ کیا۔
بات چیت کے دوران دونوں رہنماؤں نے امت مسلمہ کے اتحاد کے لیے خصوصی دعائیں کیں۔ اس موقع پر ایران اور خلیجی خطے میں جاری کشیدگی پر بھی تبادلہ خیال کیا گیا۔
وزیر اعظم شہباز شریف نے آذربائیجان پر ہونے والے حملوں کی شدید مذمت کی اور مشکل کی اس گھڑی میں آذربائیجان کے عوام کے ساتھ مکمل یکجہتی اور حمایت کا یقین دلایا۔
دونوں رہنماؤں نے خطے میں کشیدگی کو فوری طور پر کم کرنے پر زور دیتے ہوئے کہا کہ تمام تصفیہ طلب مسائل کا حل صرف مذاکرات اور سفارتکاری کے ذریعے ہی ممکن ہے۔
پاکستان اور آذربائیجان کے مابین تعلقات کے مثبت رجحان پر اطمینان کا اظہار کرتے ہوئے دونوں قائدین نے برادرانہ تعلقات کو مزید مستحکم کرنے کے عزم کا اعادہ کیا۔
پاکستان نے اقوام متحدہ میں بھارت کے بے بنیاد دعوؤں کو سختی سے مسترد کرتے…
سوشل میڈیا پر تاشو کے نام سے مشہور کم عمر ماڈل اور مواد تخلیق کار…
یروشلم کے قدیم شہر کے دروازوں پر سینکڑوں فلسطینی مسلمانوں نے عید الفطر کی نماز…
دبئی میں عید الفطر کے موقع پر زوردار دھماکے سنے گئے ہیں، جہاں فضائی دفاعی…
تہران نے خبردار کیا ہے کہ اگر کسی بھی ملک نے امریکہ کو فوجی اڈے…
وزارت اطلاعات نے افغان طالبان کی جانب سے پاکستان پر عارضی جنگ بندی کی خلاف…