چیف آف آرمی اسٹاف اور چیف آف ڈیفنس فورسز فیلڈ مارشل عاصم منیر نے کہا ہے کہ پاکستان اپنی سرزمین پر دہشت گردی کو کسی صورت برداشت نہیں کرے گا اور افغانستان سے ہونے والی کارروائیوں کو ملکی سلامتی کے لیے خطرہ بننے کی اجازت نہیں دی جائے گی۔
آرمی چیف نے یہ بات کرم کے دورے کے موقع پر کہی جہاں انہوں نے پاک فوج کے جوانوں کے ساتھ عیدالفطر کا دن گزارا۔ اس موقع پر فیلڈ مارشل عاصم منیر نے عید کی نماز ادا کی اور ملک کی پائیدار استحکام اور خوشحالی کے لیے خصوصی دعائیں مانگیں۔
فیلڈ مارشل عاصم منیر نے جوانوں اور افسران سے ملاقات کے دوران انہیں عید کی مبارکباد پیش کی اور ملکی دفاع کے لیے ان کے بلند حوصلے اور پیشہ ورانہ مہارت کو سراہا۔ انہوں نے آپریشن غضب للحق کے دوران دہشت گردوں کے نیٹ ورکس کو توڑنے اور سرحدی علاقوں میں امن کے قیام کے لیے جوانوں کی کامیابیوں کی تعریف کی۔
آرمی چیف نے اس عزم کا اعادہ کیا کہ پاکستان خطے میں امن کا خواہاں ہے تاہم افغان سرزمین کو پاکستان کے خلاف استعمال کرنے کی اجازت نہیں دی جائے گی۔ انہوں نے کہا کہ آپریشنل کامیابیاں شہدا کی قربانیوں اور افسران و جوانوں کے غیر متزلزل عزم کا نتیجہ ہیں۔
چیف آف ڈیفنس فورسز نے مادر وطن کی خودمختاری اور علاقائی سالمیت کے تحفظ کے لیے مسلح افواج کے پختہ عزم کا اعادہ کیا۔ دورے پر پہنچنے پر کور کمانڈر پشاور نے فیلڈ مارشل عاصم منیر کا استقبال کیا۔
اسکاٹ لینڈ میں واقع برطانیہ کے جوہری آبدوزوں کے اڈے میں غیر قانونی طور پر…
ضلع ہنگو میں پولیس اور مسلح ملزمان کے درمیان فائرنگ کے تبادلے کے نتیجے میں…
امریکی ریاستوں میں شدید گرمی کی لہر نے سترہ سو سالہ ریکارڈ توڑ دیے ہیں،…
وزیر پیٹرولیم علی پرویز ملک نے ہفتے کے روز کہا ہے کہ وزیراعظم شہباز شریف…
تہران (ویب ڈیسک) ایران کے اٹامک انرجی آرگنائزیشن نے تصدیق کی ہے کہ ہفتے کے…
عید الفطر کے پرمسرت موقع پر پاکستان کے صوبائی گورنروں اور وزرائے اعلیٰ نے قوم…