پاکستان بھر میں عید الفطر کا تہوار مذہبی جوش و جذبے اور روایتی عقیدت و احترام کے ساتھ منایا گیا، اس موقع پر شوبز انڈسٹری کی معروف شخصیات نے بھی سوشل میڈیا کے ذریعے اپنے مداحوں کو عید کی خوشیوں میں شریک کیا۔
اداکاروں، میزبانوں اور سوشل میڈیا انفلوئنسرز نے انسٹاگرام سمیت دیگر پلیٹ فارمز پر اپنی فیملی تصاویر اور تہنیتی پیغامات شیئر کیے۔ اداکار بلال قریشی نے اپنی والدہ کے ہمراہ تصویر پوسٹ کرتے ہوئے دنیا بھر میں امن و امان کے لیے خصوصی دعا کی۔
اداکارہ صبور علی نے عید کے مختلف انداز میں تصاویر شیئر کر کے اپنے مداحوں کو عید کی مبارکباد دی۔ معروف ٹی وی میزبان اور سابق اینکر رابعہ انعم نے اپنے شوہر کے ساتھ تصاویر شیئر کیں جنہیں مداحوں کی جانب سے بے حد سراہا گیا۔
سوشل میڈیا انفلوئنسر اور ٹک ٹاکر سحر نے بھی عید کی خوشیوں کو فیملی تصاویر کے ذریعے اپنے فالوورز کے ساتھ شیئر کیا اور الحمدللہ کے ہیش ٹیگ کے ساتھ نیک خواہشات کا اظہار کیا۔
اداکارہ حنا آفریدی نے اپنے شوہر کے ساتھ تصاویر شیئر کرتے ہوئے پشتو زبان میں اپنے مداحوں کو عید مبارک کہا۔
شوبز اور سوشل میڈیا سے وابستہ دیگر شخصیات نے بھی اپنے گھروں، روایتی کھانوں اور دیدہ زیب ملبوسات میں ملبوس تصاویر پوسٹ کیں۔ توقع ہے کہ عید کے دوسرے اور تیسرے روز بھی فنکار اپنے گھروں اور نجی تقریبات کی جھلکیاں مداحوں کے ساتھ شیئر کرتے رہیں گے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…