وزیر اعظم شہباز شریف نے انڈونیشیا کے صدر پرابوو سبیانٹو سے ٹیلی فون پر رابطہ کیا ہے اور انہیں عید الفطر کے پرمسرت موقع پر مبارکباد پیش کی ہے۔ اتوار کے روز ہونے والی اس گفتگو میں وزیر اعظم نے انڈونیشیا کے صدر اور وہاں کے برادر عوام کے لیے نیک خواہشات کا اظہار کیا۔
انڈونیشیا کے صدر نے وزیر اعظم کی جانب سے ملنے والی مبارکباد کا پرتپاک جواب دیا ہے۔ دونوں رہنماؤں نے اس موقع پر دونوں ممالک کے عوام اور پوری امت مسلمہ کے لیے امن، سلامتی اور ہم آہنگی کی خصوصی دعائیں کیں۔
بات چیت کے دوران وزیر اعظم شہباز شریف نے پاکستان اور انڈونیشیا کے مابین تاریخی اور برادرانہ تعلقات کو مزید مستحکم کرنے کے عزم کا اعادہ کیا۔ انہوں نے باہمی دلچسپی کے تمام شعبوں میں دوطرفہ تعاون کو وسعت دینے پر زور دیا۔
دونوں رہنماؤں نے خطے کی تازہ ترین صورتحال بالخصوص ایران اور خلیجی خطے میں جاری کشیدگی پر بھی تبادلہ خیال کیا۔ اس موقع پر انہوں نے خطے میں جاری محاذ آرائی کو فوری طور پر ختم کرنے پر زور دیا اور تمام تنازعات کو مذاکرات اور سفارتی ذرائع سے حل کرنے کی ضرورت پر اتفاق کیا۔
میکسیکو صحافیوں کے لیے ایک بار پھر خطے کا خطرناک ترین ملک قرار پایا ہے۔…
اسلام آباد میں دفتر خارجہ کے ترجمان طاہر حسین اندرابی نے ہفتہ وار پریس بریفنگ…
امریکی صدر ڈونلڈ ٹرمپ نے آبنائے ہرمز سے تجارتی جہازوں کو بحفاظت گزارنے کے لیے…
امریکی وزیر خارجہ مارکو روبیو جمعرات کے روز ویٹیکن سٹی میں پوپ لیو سے اہم…
واشنگٹن میں امریکی عدالت نے بدنام زمانہ مجرم جیفری ایپسٹین کی جانب سے تحریر کردہ…
امریکی امیگریشن بورڈ آف اپیلز نے کولمبیا یونیورسٹی کے طالب علم محسن مہدوی کی ملک…