پاکستان سے حج پروازوں کا شیڈول جاری، پہلی پرواز 18 اپریل کو روانہ ہوگی

وزارت مذہبی امور نے حج دو ہزار چھبیس کے لیے پروازوں کا شیڈول جاری کر دیا ہے جس کے مطابق عازمینِ حج کی روانگی کا عمل اٹھارہ اپریل سے شروع ہوگا۔

حکام کے مطابق ملک بھر کے مختلف شہروں سے مجموعی طور پر چار سو اڑسٹھ پروازیں عازمین کو سعودی عرب پہنچائیں گی۔ سرکاری حج اسکیم کے تحت اسلام آباد سے ایک سو انتیس، کراچی سے ایک سو چوبیس اور لاہور سے ایک سو چار پروازیں روانہ ہوں گی۔

شیڈول کے مطابق ملتان سے انتالیس، فیصل آباد سے تئیس، کوئٹہ سے اٹھارہ، سیالکوٹ سے چھبیس اور سکھر سے پانچ پروازیں حج آپریشن کا حصہ ہوں گی۔

وزارت نے عازمین کو ہدایت کی ہے کہ وہ اپنی پروازوں کی تفصیلات جاننے کے لیے پاک حج دو ہزار چھبیس ایپ کا استعمال کریں۔ سفر سے متعلق تمام تر معلومات وزارت کی سرکاری ویب سائٹ پر بھی دستیاب کر دی گئی ہیں۔

عازمین سے کہا گیا ہے کہ وہ سفری انتظامات میں کسی بھی قسم کی تبدیلی یا اپ ڈیٹ سے باخبر رہنے کے لیے موبائل ایپلی کیشن کے ساتھ مسلسل رابطے میں رہیں۔