اسلام آباد (اے پی پی) نائب وزیراعظم اور وزیر خارجہ سینیٹر اسحاق ڈار نے ملک میں پیٹرولیم مصنوعات کے ذخائر کا جائزہ لینے کے لیے ایک اہم اجلاس کی صدارت کی۔ اجلاس کو بریفنگ دی گئی کہ ملک میں اپریل اور اس کے بعد کی ضروریات پوری کرنے کے لیے پیٹرولیم مصنوعات کا وافر ذخیرہ موجود ہے۔
اجلاس کے دوران مشرق وسطیٰ کی موجودہ صورتحال کے تناظر میں درپیش چیلنجز اور ملکی تیاریوں کا بھی تفصیلی جائزہ لیا گیا۔ نائب وزیراعظم نے پیٹرولیم مصنوعات کی موجودہ سپلائی پوزیشن پر اطمینان کا اظہار کیا۔
اسحاق ڈار نے متعلقہ وزارتوں اور تمام متعلقہ حکام کو ہدایت کی کہ وہ باہمی رابطہ کاری کو مضبوط بنائیں اور پیٹرولیم مصنوعات کی بلا تعطل فراہمی کو یقینی بنائیں۔ انہوں نے تاکید کی کہ آئندہ ہفتوں کے دوران سپلائی کی تسلسل کو برقرار رکھنے کے لیے تمام ضروری اقدامات اٹھائے جائیں۔
اجلاس میں وفاقی وزیر برائے پیٹرولیم اور اقتصادی امور، معاون خصوصی طارق باجوہ، متعلقہ وفاقی سیکرٹریوں کے علاوہ صوبائی چیف سیکرٹریوں اور اعلیٰ حکام نے شرکت کی۔
امریکی سینٹرز فار ڈیزیز کنٹرول اینڈ پریوینشن کے قائم مقام ڈائریکٹر جے بھٹاچاریہ نے ہینٹا…
سرکاری دستاویزات کے مطابق رواں مالی سال کے پہلے نو ماہ کے دوران حکومت نے…
نیشنل اسٹیل کمپلیکس لمیٹڈ کے وفد نے وفاقی وزیر تجارت جام کمال خان سے ملاقات…
واشنگٹن سے وائٹ ہاؤس کے حکام کے مطابق ارب پتی اور سابقہ ٹرمپ انتظامیہ کے…
قطر سے مائع قدرتی گیس یعنی ایل این جی لے جانے والا دوسرا بحری جہاز…
سندھ حکومت نے کراچی کے مستقبل کو جدید خطوط پر استوار کرنے کے لیے گریٹر…