مشرق وسطیٰ میں جاری جنگ کے دوران ہلاکتوں کا سلسلہ تھم نہ سکا، جس میں اب تک ہزاروں افراد اپنی جانوں سے ہاتھ دھو بیٹھے ہیں۔ یہ جنگ 28 فروری کو اس وقت شروع ہوئی جب امریکا اور اسرائیل نے ایران پر حملے کیے، جس کے جواب میں ایران کی جانب سے اسرائیل، امریکی اڈوں اور خلیجی ریاستوں کو نشانہ بنایا گیا، جبکہ لبنان میں بھی جنگ کا نیا محاذ کھل گیا۔
امریکی حقوق انسانی تنظیم ہرانا کے مطابق جنگ کے آغاز سے اب تک 3300 افراد ہلاک ہو چکے ہیں، جن میں 1464 شہری شامل ہیں جن میں کم از کم 217 بچے بھی ہیں۔ اقوام متحدہ میں ایرانی سفیر کا کہنا ہے کہ امریکی و اسرائیلی حملوں میں اب تک 1500 شہری مارے جا چکے ہیں۔ تاہم یہ واضح نہیں کہ آیا ان اعداد و شمار میں 4 مارچ کو سری لنکا کے قریب ایرانی جنگی جہاز پر امریکی حملے میں ہلاک ہونے والے 104 افراد شامل ہیں یا نہیں۔
لبنانی حکام کے مطابق 2 مارچ سے جاری اسرائیلی حملوں میں 1094 افراد ہلاک ہوئے جن میں 121 بچے شامل ہیں۔ عراق میں کم از کم 88 افراد کی ہلاکت کی تصدیق ہوئی ہے، جن میں زیادہ تر ایران نواز پاپولر موبلائزیشن فورسز کے ارکان ہیں۔ 24 مارچ کو اربیل میں کرد پیشمرگا ہیڈکوارٹر پر حملے میں 6 جنگجو مارے گئے، جس کا الزام ایران پر عائد کیا گیا ہے۔
اسرائیلی ایمبولینس سروس کے مطابق ایرانی میزائل حملوں میں 16 افراد ہلاک ہوئے، جبکہ اسرائیلی فوج نے جنوبی لبنان میں اپنے 3 فوجیوں کی ہلاکت کی تصدیق کی ہے۔ اس کے علاوہ 22 مارچ کو اسرائیلی فورسز کی غلط فائرنگ سے ایک کسان بھی ہلاک ہوا۔
امریکی فوج کے مطابق ان کے 13 اہلکار ہلاک ہوئے، جن میں سے 6 عراق کے اوپر فوجی طیارہ گرنے اور 7 ایران کے خلاف آپریشنز کے دوران مارے گئے۔ متحدہ عرب امارات میں ایرانی حملوں میں 2 فوجیوں سمیت 10 افراد ہلاک ہوئے۔ قطر میں 22 مارچ کو ہیلی کاپٹر حادثے میں 7 افراد جاں بحق ہوئے، جن میں قطری فوج کے 4 اہلکار، ایک ترک فوجی اور ترکی کی دفاعی کمپنی اسیل سان کے 2 ٹیکنیشن شامل تھے۔
کویت میں 6 افراد کی ہلاکت کی اطلاع ہے، جن میں ایرانی حملوں کے شکار 2 عام شہری، 2 پولیس افسران اور 2 فوجی شامل ہیں۔ مقبوضہ مغربی کنارے میں ایرانی میزائل حملے میں 4 فلسطینی خواتین ہلاک ہوئیں۔ شام کے شہر سویدا میں 28 فروری کو میزائل حملے میں 4 افراد مارے گئے۔ عمان میں 13 مارچ کو سوہار میں ڈرون حملے میں 2 افراد ہلاک ہوئے، جبکہ اس سے قبل مسقط کے قریب ایک ٹینکر پر حملے میں بھی ایک شخص مارا گیا تھا۔
سعودی عرب کے شہر الخرج میں پروجیکٹائل گرنے سے 2 افراد ہلاک ہوئے۔ بحرین میں بھی ایرانی حملوں کے نتیجے میں 2 افراد جان سے گئے۔ متحدہ عرب امارات کی وزارت دفاع نے بتایا کہ 24 مارچ کو بحرین میں ایرانی حملے میں ان کا ایک مراکشی نژاد سویلین کنٹریکٹر بھی ہلاک ہوا۔ شمالی عراق میں ایک ڈرون حملے کے دوران فرانسیسی فوج کا ایک اہلکار ہلاک اور 6 زخمی ہوئے، جہاں وہ انسداد دہشت گردی کی تربیت فراہم کر رہے تھے۔
امریکی سینٹرز فار ڈیزیز کنٹرول اینڈ پریوینشن کے قائم مقام ڈائریکٹر جے بھٹاچاریہ نے ہینٹا…
سرکاری دستاویزات کے مطابق رواں مالی سال کے پہلے نو ماہ کے دوران حکومت نے…
نیشنل اسٹیل کمپلیکس لمیٹڈ کے وفد نے وفاقی وزیر تجارت جام کمال خان سے ملاقات…
واشنگٹن سے وائٹ ہاؤس کے حکام کے مطابق ارب پتی اور سابقہ ٹرمپ انتظامیہ کے…
قطر سے مائع قدرتی گیس یعنی ایل این جی لے جانے والا دوسرا بحری جہاز…
سندھ حکومت نے کراچی کے مستقبل کو جدید خطوط پر استوار کرنے کے لیے گریٹر…