صدر مملکت آصف علی زرداری کی زیر صدارت ایوان صدر اسلام آباد میں ایک اعلیٰ سطح کا اجلاس منعقد ہوا جس میں خطے کی بدلتی ہوئی صورتحال اور امریکہ اسرائیل جنگ کے تناظر میں درپیش چیلنجز پر تفصیلی غور کیا گیا۔ اجلاس میں وزیر اعظم شہباز شریف اور چیف آف آرمی سٹاف جنرل عاصم منیر نے شرکت کی۔
اجلاس کے دوران قومی سلامتی، ملکی معیشت اور غذائی تحفظ کے امور پر تبادلہ خیال کیا گیا۔ شرکاء نے اس بات پر اتفاق کیا کہ علاقائی کشیدگی کے پیش نظر قومی اتفاق رائے اور تمام ریاستی اداروں کے مابین ہم آہنگی ناگزیر ہے۔ پالیسی فیصلوں میں ملکی استحکام اور عوامی مفادات کے تحفظ کو اولین ترجیح دینے کا عزم دہرایا گیا۔
اعلامیے کے مطابق اجلاس میں عالمی سطح پر تیل اور گیس کی سپلائی میں تعطل اور قیمتوں میں اضافے کے پاکستان کی معیشت پر اثرات کا جائزہ لیا گیا۔ وفاقی وزراء برائے خزانہ اور پیٹرولیم نے پیٹرولیم مصنوعات کی قیمتوں کو مستحکم رکھنے، بڑھتے ہوئے ایندھن کے اخراجات کے اثرات کو محدود کرنے اور حکومتی سطح پر کفایت شعاری کے اقدامات کے بارے میں بریفنگ دی۔
اجلاس میں فیصلہ کیا گیا کہ توانائی کی سیکیورٹی اور معاشی نظم و نسق کو قومی سلامتی کے تقاضوں سے ہم آہنگ کیا جائے گا۔ شرکاء نے زور دیا کہ موجودہ مشکل حالات سے نمٹنے کے لیے حکومتی اقدامات کے ساتھ ساتھ عوامی سطح پر بھی شعور بیدار کرنے کی ضرورت ہے۔
حکومت نے عوام سے اپیل کی ہے کہ ایندھن کی کھپت کو کم کرنے کے لیے پبلک ٹرانسپورٹ کا زیادہ سے زیادہ استعمال کیا جائے اور سفر کے لیے مشترکہ سواری کے نظام کو فروغ دیا جائے تاکہ ملکی وسائل کا بہتر استعمال ممکن ہو سکے۔
پاکستان ٹینس فیڈریشن نے اعلان کیا ہے کہ ٹینس کی دنیا کے لیجنڈ اور سابق…
وفاقی وزیر دفاع خواجہ محمد آصف نے کہا ہے کہ پاکستان میں حالات کی بہتری…
سی بی ایس نیوز کی جانب سے یہ دعویٰ کہ پاکستان نے ایرانی فوجی طیاروں…
امریکی سینٹرز فار ڈیزیز کنٹرول اینڈ پریوینشن کے قائم مقام ڈائریکٹر جے بھٹاچاریہ نے ہینٹا…
سرکاری دستاویزات کے مطابق رواں مالی سال کے پہلے نو ماہ کے دوران حکومت نے…
نیشنل اسٹیل کمپلیکس لمیٹڈ کے وفد نے وفاقی وزیر تجارت جام کمال خان سے ملاقات…