الیکشن کمیشن آف پاکستان نے پاکستان تحریک انصاف کے سینیٹر مراد سعید کو نااہل قرار دیتے ہوئے ان کی ڈی نوٹیفکیشن جاری کر دی ہے۔ کمیشن کی جانب سے جاری کردہ باضابطہ اعلامیے کے مطابق یہ فیصلہ آئین کے آرٹیکل 63 ایک ایچ کے تحت کیا گیا ہے۔
نااہلی کا یہ اقدام راولپنڈی کی انسداد دہشت گردی عدالت کی جانب سے مراد سعید کو سنائی گئی دس سال قید کی سزا کے تناظر میں اٹھایا گیا ہے۔ رواں برس مارچ میں عدالت نے نو مئی کو جی ایچ کیو پر حملے کے مقدمے میں فیصلہ سناتے ہوئے 47 اشتہاری ملزمان کو دس دس سال قید کی سزا سنائی تھی۔
عدالت نے سزا پانے والے تمام ملزمان پر پانچ پانچ لاکھ روپے جرمانہ بھی عائد کیا تھا جبکہ ان کی منقولہ اور غیر منقولہ جائیدادیں ضبط کرنے کا حکم دیا گیا تھا۔ سزا پانے والوں میں مراد سعید سمیت تحریک انصاف کی دیگر اعلیٰ قیادت بھی شامل تھی۔
آئین کے آرٹیکل 63 ایک ایچ کے تحت کوئی بھی رکن پارلیمنٹ اس صورت میں نااہل قرار پاتا ہے اگر اسے اخلاقی پستی کے کسی جرم میں دو سال سے زائد قید کی سزا سنائی گئی ہو اور رہائی کو پانچ سال کا عرصہ نہ گزرا ہو۔
اس فیصلے کے بعد خیبر پختونخوا سے سینیٹ کی جنرل نشست خالی قرار دے دی گئی ہے۔
یورپی کمیشن نے پیر کے روز تصدیق کی ہے کہ وہ افغان تارکین وطن کی…
محکمہ موسمیات نے پیش گوئی کی ہے کہ اگلے چوبیس گھنٹوں کے دوران ملک کے…
پاکستان ٹینس فیڈریشن نے اعلان کیا ہے کہ ٹینس کی دنیا کے لیجنڈ اور سابق…
وفاقی وزیر دفاع خواجہ محمد آصف نے کہا ہے کہ پاکستان میں حالات کی بہتری…
سی بی ایس نیوز کی جانب سے یہ دعویٰ کہ پاکستان نے ایرانی فوجی طیاروں…
امریکی سینٹرز فار ڈیزیز کنٹرول اینڈ پریوینشن کے قائم مقام ڈائریکٹر جے بھٹاچاریہ نے ہینٹا…