راولپنڈی میں منشیات کے مقدمات کے بڑھتے ہوئے بوجھ کو کم کرنے کے لیے انتظامیہ نے انسداد منشیات کی خصوصی عدالت نمبر دو قائم کرنے کا فیصلہ کیا ہے۔ یہ نئی عدالت پرانے ڈسٹرکٹ کورٹ ہاؤس میں قائم کی جائے گی تاکہ زیر التوا مقدمات کو جلد نمٹایا جا سکے۔
فی الوقت انسداد منشیات کی موجودہ عدالت میں چھ سو ترپن مقدمات زیر التوا ہیں جن کی بڑی تعداد کے پیش نظر یہ اضافی عدالتی سیٹ اپ تیار کیا گیا ہے۔ حکام کے مطابق یہ خصوصی عدالت راولپنڈی ڈویژن بھر میں اے این ایف کے تحت درج ہونے والے تمام مقدمات کی سماعت کرے گی۔
عدالتی تقرریوں کے حوالے سے سینئر ڈسٹرکٹ اینڈ سیشن جج راجہ غضنفر کو اس نئی عدالت کا جج مقرر کیا گیا ہے جبکہ ضیا کیانی پراسیکیوٹر کے فرائض سرانجام دیں گے۔ عدالت کے لیے عملے کی تعیناتی کا عمل آج مکمل کر لیا جائے گا۔
متعلقہ حکام نے تصدیق کی ہے کہ نئی عدالت اگلے دو دنوں کے اندر مکمل طور پر فعال ہو جائے گی جس کے بعد مقدمات کی سماعت کا باقاعدہ آغاز کر دیا جائے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…