لاہور قلندرز کے بلے باز فخر زمان مشکلات میں گھر گئے ہیں اور انہیں بال ٹیمپرنگ کے الزامات کا سامنا ہے۔ پاکستان سپر لیگ کے دوران کراچی کنگز کے خلاف میچ میں امپائرز نے فخر زمان پر بال کی حالت تبدیل کرنے کا الزام عائد کیا ہے جس کے بعد انہیں پابندی کا سامنا کرنا پڑ سکتا ہے۔
اتوار کو کھیلے گئے میچ کے آخری اوور میں کراچی کنگز کو جیت کے لیے چودہ رنز درکار تھے کہ امپائرز نے بال کی حالت مشکوک ہونے پر کراچی کنگز کو پانچ پینلٹی رنز دے دیے۔ کراچی کنگز کی درخواست پر گیند تبدیل کی گئی جس کے بعد ٹیم نے بقیہ نو رنز بنا کر کامیابی حاصل کر لی۔
پی ایس ایل انتظامیہ کی جانب سے پیر کو جاری کردہ بیان میں کہا گیا ہے کہ فخر زمان پر کھیل کے ضوابط کی خلاف ورزی کا الزام عائد کیا گیا ہے جس کے تحت گیند کی حالت کو جان بوجھ کر تبدیل کرنا ایک جرم ہے۔
میچ ریفری روشن ماہنامہ کی سربراہی میں ہونے والی ڈسپلنری سماعت کے دوران فخر زمان نے اپنے اوپر عائد الزامات کو مسترد کر دیا ہے۔ پی ایس ایل انتظامیہ کے مطابق اس معاملے پر مزید سماعت آئندہ اڑتالیس گھنٹوں کے اندر ہوگی جس کے بعد میچ ریفری اپنا حتمی فیصلہ سنائیں گے۔ اگر فخر زمان اس الزام میں قصوروار پائے گئے تو انہیں کم از کم ایک پی ایس ایل میچ کے لیے پابندی کا سامنا کرنا پڑ سکتا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…