اسلام آباد میں وزیراعظم شہباز شریف کی زیر صدارت توانائی کے ممکنہ بحران اور علاقائی کشیدگی کے تناظر میں ایک اعلیٰ سطحی اجلاس منعقد ہوا۔ اجلاس میں چاروں صوبوں کے وزرائے اعلیٰ، گلگت بلتستان اور آزاد کشمیر کے وزرائے اعلیٰ کے علاوہ وفاقی کابینہ کے اراکین اور چیف آف ڈیفنس فورسز فیلڈ مارشل عاصم منیر نے شرکت کی۔
اجلاس کے دوران پیٹرولیم مصنوعات کی سپلائی پر ممکنہ اثرات کا تفصیلی جائزہ لیا گیا اور توانائی کی بچت کے لیے مجوزہ اقدامات پر بریفنگ دی گئی۔ ذرائع کے مطابق پیٹرولیم مصنوعات کی قیمتوں سے متعلق اہم امور زیر غور آئے۔ وفاقی حکومت نے صوبوں پر زور دیا کہ وہ پیٹرولیم مصنوعات پر دی جانے والی سبسڈی کا بوجھ بانٹنے میں تعاون کریں، جبکہ قیمتوں میں اضافے کا مکمل بوجھ عوام پر منتقل کرنے کے آپشن کا بھی جائزہ لیا گیا۔
وزیراعظم شہباز شریف نے اجلاس سے خطاب کرتے ہوئے کہا کہ پاکستان جنگ رکوانے کے لیے فعال کردار ادا کر رہا ہے۔ انہوں نے مزید کہا کہ نائب وزیراعظم اسحاق ڈار اور فیلڈ مارشل عاصم منیر کشیدگی کم کرنے کے لیے سفارتی اور تزویراتی سطح پر کلیدی کردار ادا کر رہے ہیں۔
اس موقع پر وزیر خارجہ اسحاق ڈار نے اپنے حالیہ دورہ چین کے بارے میں شرکاء کو بریفنگ دی اور ایران اور امریکہ کے مابین ممکنہ مذاکرات کے حوالے سے پاکستان کی ثالثی کوششوں پر اپ ڈیٹ کیا۔ اجلاس سے قبل بلاول بھٹو زرداری نے وزیراعلیٰ سندھ مراد علی شاہ کے ہمراہ وزیراعظم ہاؤس پہنچ کر وزیراعظم شہباز شریف سے ملاقات کی۔
ویٹیکن سٹی میں پوپ لیو کا رویہ تبدیل ہو چکا ہے اور انہوں نے عالمی…
صوبائی ڈیزاسٹر مینجمنٹ اتھارٹی پی ڈی ایم اے نے خیبر پختونخوا میں دو سے چار…
چین نے مشرق وسطیٰ میں فوری جنگ بندی کا مطالبہ کر دیا ہے۔ یہ مطالبہ…
انگلینڈ اینڈ ویلز کرکٹ بورڈ کے آزاد ریگولیٹر نے ہیری بروک اور جیکب بیتھل کو…
فلپائن نے دعویٰ کیا ہے کہ ایران نے آبنائے ہرمز سے فلپائنی پرچم بردار بحری…
وزارت خارجہ پاکستان نے خبردار کیا ہے کہ بھارت کی جانب سے پاکستان کی سفارتی…