اسلام آباد ہائی کورٹ نے بانی پاکستان تحریک انصاف اور ان کے وکیل بیرسٹر سلمان صفدر کے درمیان ملاقات کا حکم دے دیا ہے۔ عدالت نے جیل حکام کو ہدایت کی ہے کہ کل بروز بدھ دوپہر دو بجے ملاقات کو یقینی بنایا جائے۔
عدالت عالیہ کے چیف جسٹس سرفراز ڈوگر اور جسٹس محمد آصف پر مشتمل دو رکنی بینچ نے ایک سو نوے ملین پاؤنڈ ریفرنس اور بانی پی ٹی آئی سمیت بشریٰ بی بی کی سزاؤں کی معطلی سے متعلق درخواستوں کی سماعت کی۔
سماعت کے دوران قومی احتساب بیورو کے پراسیکیوٹرز اور بیرسٹر سلمان صفدر نے اپنے دلائل پیش کیے۔ بیرسٹر سلمان صفدر نے استدعا کی کہ اپیلوں پر مزید کارروائی سے قبل انہیں اپنے موکل سے جیل میں ملاقات کی اجازت دی جائے۔
چیف جسٹس نے ملاقات کی اجازت دیتے ہوئے جیل حکام کو سہولت فراہم کرنے کا حکم دیا اور ریمارکس دیے کہ وکیل کی ملاقات کے بعد ہی اپیلوں کی سماعت کا شیڈول طے کیا جائے گا۔ عدالت نے اس عزم کا اظہار کیا کہ دلائل شروع ہونے کے بعد اپیلوں کا فیصلہ سات روز کے اندر کیا جائے گا۔
بیرسٹر سلمان صفدر نے گزشتہ ہفتے ہائی کورٹ میں درخواست دائر کی تھی جس میں اڈیالہ جیل حکام کو بانی پی ٹی آئی اور بشریٰ بی بی سے ملاقات کروانے کا حکم دینے کی استدعا کی گئی تھی۔ درخواست میں مؤقف اختیار کیا گیا کہ بیس دسمبر دو ہزار پچیس سے بانی پی ٹی آئی کو اپنے وکلاء سے بامعنی ملاقات کا موقع نہیں ملا۔
وکیل نے عدالت کو آگاہ کیا کہ تقریباً تین ماہ اور بارہ دن سے انہیں قانونی رسائی سے محروم رکھا گیا ہے، جس کے باعث اہم قانونی نوعیت کے مقدمات کی تیاری میں شدید مشکلات کا سامنا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…