پاکستان میں جمعرات کے روز سونے کی قیمتوں میں نمایاں کمی ریکارڈ کی گئی جس کی بنیادی وجہ عالمی منڈی میں جاری مندی ہے۔ آل پاکستان جیمز اینڈ جیولرز صرافہ ایسوسی ایشن کے مطابق فی تولہ سونا 9 ہزار 500 روپے سستا ہو کر 4 لاکھ 94 ہزار 662 روپے کی سطح پر آ گیا ہے۔
اسی طرح 10 گرام سونے کی قیمت میں 8 ہزار 415 روپے کی کمی ہوئی جس کے بعد یہ 4 لاکھ 24 ہزار 92 روپے پر فروخت ہو رہا ہے۔ عالمی منڈی میں بھی سونے کے نرخ 95 ڈالر کی کمی کے بعد 4 ہزار 723 ڈالر فی اونس پر آ گئے ہیں جبکہ اس پر 20 ڈالر کا اضافی پریمیم شامل ہے۔
ملکی سطح پر چاندی کی قیمتوں میں بھی گراوٹ دیکھی گئی ہے۔ فی تولہ چاندی 300 روپے کی کمی کے بعد 7 ہزار 884 روپے کی سطح پر آ گئی ہے۔
یاد رہے کہ اس سے قبل بدھ کے روز مقامی مارکیٹ میں سونے کی قیمتوں میں تیزی دیکھی گئی تھی جب فی تولہ سونا 15 ہزار 700 روپے اضافے کے بعد 5 لاکھ 4 ہزار 162 روپے کا ہو گیا تھا۔ اسی طرح 10 گرام سونا 13 ہزار 460 روپے اضافے کے بعد 4 لاکھ 32 ہزار 237 روپے تک پہنچ گیا تھا۔
عالمی منڈی میں گزشتہ روز سپاٹ گولڈ 1.2 فیصد اضافے کے بعد 4 ہزار 756 اعشاریہ 37 ڈالر فی اونس تک پہنچ گیا تھا جو 19 مارچ کے بعد بلند ترین سطح تھی۔ جون میں ڈیلیوری کے لیے امریکی گولڈ فیوچر بھی 2.1 فیصد اضافے کے ساتھ 4 ہزار 782 اعشاریہ 70 ڈالر فی اونس پر ٹریڈ کر رہے تھے۔
ماہرین کے مطابق سونے کی قیمتوں میں اتار چڑھاؤ کا تعلق امریکی ڈالر اور تیل کی قیمتوں میں کمی سے ہے۔ عالمی سطح پر جغرافیائی کشیدگی میں عارضی کمی اور پاکستان کی ثالثی میں امریکہ اور ایران کے درمیان دو ہفتوں کے جنگ بندی معاہدے نے مارکیٹ کے خدشات کو کسی حد تک کم کیا ہے جس کے اثرات سونے کی قیمتوں پر مرتب ہو رہے ہیں۔
سائنس دانوں نے ایک اہم تحقیق کے بعد انکشاف کیا ہے کہ دنیا کا قدیم…
تہران نے لبنان میں جنگ بندی کی خلاف ورزیوں پر اسرائیل کو سخت نتائج کی…
اسلام آباد میں امریکہ اور ایران کے درمیان اہم مذاکرات کے انعقاد سے قبل وزیراعظم…
وزیر اعظم شہباز شریف اور چیف آف آرمی اسٹاف فیلڈ مارشل سید عاصم منیر نے…
وزیر اعظم شہباز شریف اور چیف آف ڈیفنس فورسز و آرمی اسٹاف فیلڈ مارشل عاصم…
کینیڈا کی وزیر خارجہ انیتا آنند نے اسلام آباد میں ہونے والے مذاکرات کی حمایت…