وزیراعلیٰ پنجاب مریم نواز نے نواب ٹاؤن میں سکوٹر سوار لڑکی سے دن دیہاڑے موبائل فون چھیننے کے واقعے کا سخت نوٹس لیتے ہوئے ملزم کو آٹھ گھنٹے کے اندر گرفتار کرنے کا حکم دیا ہے۔ وزیراعلیٰ نے پولیس کو ہدایت کی ہے کہ واقعے کی مکمل رپورٹ فوری طور پر پیش کی جائے۔
مریم نواز کا کہنا تھا کہ بیٹی کے ساتھ ڈکیتی کا واقعہ انتہائی افسوسناک اور تکلیف دہ ہے۔ انہوں نے واضح کیا کہ خواتین کی حفاظت حکومت کی اولین ترجیح ہے اور ہماری مائیں بہنیں ریڈ لائن کی حیثیت رکھتی ہیں۔ ان کی عزت اور تحفظ کو ہر قیمت پر یقینی بنایا جائے گا۔
وزیراعلیٰ نے پولیس کو جرائم کی روک تھام کے لیے مؤثر اقدامات اٹھانے اور شہریوں کے جان و مال کے تحفظ کو یقینی بنانے کی سخت ہدایات جاری کی ہیں۔
نواب ٹاؤن کے علاقے او پی ایف سوسائٹی میں پیش آنے والے اس واقعے کی سی سی ٹی وی فوٹیج منظر عام پر آ چکی ہے۔ فوٹیج میں دیکھا جا سکتا ہے کہ لڑکی نے مزاحمت کی اور ملزم کی موٹر سائیکل کو پیچھے سے پکڑنے کی کوشش کی جس کے دوران وہ گر کر زخمی ہو گئی۔ ملزم موبائل فون چھین کر فرار ہونے میں کامیاب ہو گیا۔
پولیس کے مطابق متاثرہ لڑکی کے والد ثاقب کی مدعیت میں نامعلوم ملزم کے خلاف مقدمہ درج کر لیا گیا ہے۔ ایس پی سٹی رانا حسین طاہر نے بھی واقعے کا نوٹس لیتے ہوئے ایس ایچ او نواب ٹاؤن کو ملزم کی فوری گرفتاری کا حکم دیا ہے۔ پولیس کا کہنا ہے کہ سی سی ٹی وی فوٹیج اور جدید ذرائع کی مدد سے ملزم کی تلاش جاری ہے اور اسے جلد قانون کی گرفت میں لایا جائے گا۔
میانمار کی فوجی حکومت نے قید میں موجود سابق رہنما آنگ سان سوچی کی سزا…
لبنانی تنظیم حزب اللہ نے جمعہ کے روز اعلان کیا ہے کہ وہ جنگ بندی…
ایرانی نائب وزیر خارجہ سعید خطیب زادہ نے کہا ہے کہ تہران کسی بھی عارضی…
جنیوا میں اقوام متحدہ کے ادارہ برائے مہاجرین کے ترجمان بابر بلوچ نے پریس بریفنگ…
صدر مملکت آصف علی زرداری نے لبنان میں جنگ بندی کے اعلان کا خیرمقدم کرتے…
گرفتار ہونے والے دہشت گرد کمانڈر عامر سہیل عرف مولوی حیدر نے اپنے اعترافی بیان…