پاکستان اسٹاک ایکسچینج میں کاروباری ہفتے کے آخری روز تیزی کا رجحان برقرار رہا اور کے ایس ای 100 انڈیکس 2400 پوائنٹس سے زائد کے اضافے کے ساتھ نئی بلندیوں پر پہنچ گیا۔
کاروبار کے دوران انڈیکس 2453 پوائنٹس یا 1.42 فیصد اضافے کے بعد 1 لاکھ 72 ہزار 365 پوائنٹس کی سطح پر ٹریڈ کرتا رہا۔ انڈیکس نے 1 لاکھ 73 ہزار 444 پوائنٹس کی بلند ترین سطح کو چھوا جبکہ کم ترین سطح 1 لاکھ 70 ہزار 758 پوائنٹس رہی۔
مارکیٹ میں سرمایہ کاروں کی بھرپور دلچسپی دیکھی گئی جس کے باعث 33 کروڑ شیئرز کا کاروبار ہوا جن کی مالیت 29 ارب 60 کروڑ روپے سے تجاوز کر گئی۔ مجموعی طور پر 565 کمپنیوں کے شیئرز میں سے 360 کی قیمتوں میں اضافہ ہوا جبکہ 93 کی قیمتیں گر گئیں۔
بینکنگ، کھاد، توانائی اور ٹیکسٹائل کے شعبوں میں نمایاں خریداری دیکھی گئی۔ ماہرین کے مطابق مشرق وسطیٰ میں جغرافیائی کشیدگی میں کمی اور غیر ملکی سرمایہ کاری کی آمد کی توقعات نے مارکیٹ کے جذبات کو مستحکم رکھا ہے۔
حکومت کی جانب سے ہائبرڈ سکوک کے کامیاب اجرا کے ذریعے 109 سے 116 ارب روپے کی فنڈنگ حاصل کرنے کے عمل کو بھی سرمایہ کاروں نے مثبت قرار دیا ہے۔ اس اقدام سے شریعہ کمپلائنٹ فنڈنگ کے ذرائع میں تنوع پیدا کرنے میں مدد ملی ہے۔
عارف حبیب لمیٹڈ کی رپورٹ کے مطابق مارکیٹ میں تیزی کا تسلسل جاری ہے جہاں یو بی ایل، او جی ڈی سی اور حب پاور نے انڈیکس کو اوپر لے جانے میں اہم کردار ادا کیا۔ دوسری جانب بینک الحبیب اور میزان بینک کے حصص میں معمولی تنصیب دیکھی گئی۔
جمعرات کے روز بھی مارکیٹ کا رجحان مثبت رہا تھا اور انڈیکس 1392 پوائنٹس کے اضافے سے 1 لاکھ 69 ہزار 911 پوائنٹس پر بند ہوا تھا۔ معاشی اشاریوں میں بہتری اور مارکیٹ میں وافر لیکویڈیٹی کی موجودگی آئندہ سیشنز میں بھی تیزی برقرار رہنے کی نوید سنا رہی ہے۔
سندھ حکومت نے گندم کی خریداری پالیسی میں اہم تبدیلیاں کرتے ہوئے کاشتکاروں کو بڑی…
امریکی صدر ڈونلڈ ٹرمپ کی جانب سے تشکیل دیے گئے بورڈ آف پیس کے نمائندوں…
بین الاقوامی اور مقامی منڈیوں میں سونے اور چاندی کی قیمتوں میں منگل کے روز…
پاکستان نے بھارتی پروازوں کے لیے اپنی فضائی حدود کی بندش میں مزید توسیع کر…
امریکی نائب صدر جے ڈی وینس ایران کے ساتھ مذاکرات کے سلسلے میں منگل کے…
ہنگری کے نو منتخب وزیراعظم پیٹر میگر نے واضح کیا ہے کہ اگر بین الاقوامی…