وزیر اعظم شہباز شریف سعودی عرب، قطر اور ترکی کے تین ملکی کامیاب دورے مکمل کرنے کے بعد انطالیہ سے پاکستان کے لیے روانہ ہوگئے۔ انطالیہ ایئرپورٹ پر ترک حکام اور پاکستان کے سفیر ڈاکٹر یوسف جنید نے وزیر اعظم کو الوداع کہا۔
روانگی کے موقع پر ترک وزارت خارجہ کے ڈائریکٹر جنرل سفیر نیلوفر کاغسز، رکن پارلیمنٹ برہان کایا ترک اور ترکی میں تعینات پاکستانی سفیر ڈاکٹر یوسف جنید سمیت اعلیٰ حکام موجود تھے۔
تین روزہ دورے کے دوران وزیر اعظم نے برادر ممالک کی قیادت کے ساتھ اعلیٰ سطحی ملاقاتیں کیں اور انطالیہ ڈپلومیسی فورم کے موقع پر عالمی رہنماؤں سے تبادلہ خیال کیا۔ ان ملاقاتوں کا محور دوطرفہ تعلقات کا فروغ، علاقائی امن کا قیام اور اہم عالمی امور پر مشاورت تھا۔
وزیر اعظم کے ہمراہ وفد میں نائب وزیر اعظم و وزیر خارجہ اسحاق ڈار، وزیر اطلاعات و نشریات عطا اللہ تارڑ، معاون خصوصی سید طارق فاطمی اور غیر ملکی میڈیا کے لیے وزیر اعظم کے کوآرڈینیٹر مشرف زیدی شامل تھے۔
نائب وزیر اعظم اسحاق ڈار نے دورے کو انتہائی کامیاب قرار دیتے ہوئے کہا کہ سعودی عرب اور قطر کے دورے انتہائی نتیجہ خیز ثابت ہوئے، جن میں مختلف شعبوں میں تعاون بڑھانے پر ٹھوس بات چیت کی گئی۔
فورم کے دوران وزیر اعظم شہباز شریف نے ترک صدر رجب طیب اردوان سے بھی خصوصی ملاقات کی۔ اسحاق ڈار نے اس بات پر زور دیا کہ انطالیہ ڈپلومیسی فورم امن، استحکام اور تعاون کو فروغ دینے کے لیے ایک اہم عالمی پلیٹ فارم کے طور پر ابھرا ہے۔ انہوں نے ترک قیادت بالخصوص وزیر خارجہ ہاکان فیدان کی جانب سے فورم کے کامیاب انعقاد اور مہمان نوازی کو بھی سراہا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…