پاکستان اسٹاک ایکسچینج میں پیر کے روز کاروبار کے دوران مندی کا رجحان دیکھا گیا اور کے ایس ای 100 انڈیکس میں نمایاں گراوٹ ریکارڈ کی گئی۔ کاروباری دن کے وسط میں انڈیکس 2 ہزار 935 پوائنٹس کی تنزلی کے بعد 1 لاکھ 71 ہزار 4 پوائنٹس پر ٹریڈ کرتا دکھائی دیا۔ یہ گراوٹ جمعہ کے بند ہونے والے 1 لاکھ 73 ہزار 939 پوائنٹس کے مقابلے میں 1 اعشاریہ 69 فیصد بنتی ہے۔
کاروباری سیشن کے دوران انڈیکس کی بلند ترین سطح 1 لاکھ 74 ہزار 524 اور کم ترین سطح 1 لاکھ 70 ہزار 626 پوائنٹس رہی۔ اس دوران 34 کروڑ 50 لاکھ سے زائد شیئرز کا لین دین ہوا جن کی مالیت 37 ارب روپے سے تجاوز کر گئی۔
مارکیٹ میں مندی کی بڑی وجہ اسلام آباد میں ہونے والے امریکا ایران مذاکرات کے حوالے سے پائی جانے والی غیر یقینی صورتحال ہے۔ گزشتہ ہفتے سفارتی پیش رفت کی امید پر مارکیٹ میں تیزی دیکھی گئی تھی تاہم مذاکرات کے حوالے سے متضاد اطلاعات اور آبنائے ہرمز میں ممکنہ رکاوٹوں کے خدشات نے سرمایہ کاروں کو محتاط کر دیا ہے۔ عالمی منڈی میں تیل کی قیمتوں میں اضافے کے بعد آئل اینڈ گیس، ایکسپلوریشن اور ٹیکسٹائل کے شعبوں میں منافع بخش فروخت کا دباؤ دیکھا گیا۔
بینکنگ اور آٹو سیکٹر کے کچھ اسٹاکس نے ابتدائی طور پر مزاحمت دکھائی لیکن فروخت کے بڑھتے ہوئے دباؤ کے باعث وہ بھی اپنی پوزیشن برقرار نہ رکھ سکے۔ تجزیہ کاروں کا کہنا ہے کہ سرمایہ کار دارالحکومت میں جاری اعلیٰ سطحی سفارتی سرگرمیوں اور امریکی وفد کی موجودگی پر گہری نظر رکھے ہوئے ہیں جس کے باعث مارکیٹ میں اتار چڑھاؤ پایا جا رہا ہے۔
اگرچہ آج مارکیٹ میں تصحیح کا عمل جاری ہے تاہم معاشی اشاریوں کی بہتری اور گزشتہ سیشنز میں غیر ملکی سرمایہ کاری کے باعث سالانہ بنیادوں پر مارکیٹ کا مجموعی رجحان بدستور مثبت سمت میں ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…