گجّن سنگھ والا کے علاقے میں آٹھ مسلح ڈاکوؤں نے گھروں کی دیواریں پھلانگ کر چار خاندانوں کو یرغمال بنا لیا۔ ملزمان نے ایک گھر سے دو لاکھ روپے نقد اور دوسرے گھر سے ایک کروڑ روپے مالیت کے طلائی زیورات سمیت قیمتی سامان لوٹ لیا۔ ڈاکوؤں نے فرار ہوتے وقت دیگر افراد سے بھی موبائل فون اور نقدی چھین لی۔
اٹاری کرم سنگھ کے قریب ایک اور واردات میں تین مسلح افراد نے موٹر سائیکل سوار دو شہریوں کو روک کر موبائل فون اور پچاس ہزار روپے کی نقدی چھین لی۔ متاثرہ افراد ایک شادی کی تقریب میں شرکت کے لیے جا رہے تھے۔
کنگن پور کے علاقے بڑے والا کھوہ کے قریب زرعی اراضی پر دو مسلح افراد نے ایک مزدور پر تشدد کیا اور ایک لاکھ نوے ہزار روپے مالیت کا سامان لوٹ لیا۔ اڑائیاں والا کے قریب بھی دو تاجروں کو تشدد کا نشانہ بنانے کے بعد آٹھ لاکھ تینتیس ہزار روپے سے زائد کی نقدی لوٹ لی گئی۔
پولیس نے متاثرین کی شکایات پر الگ الگ مقدمات درج کر لیے ہیں تاہم تاحال کسی بھی ملزم کی گرفتاری عمل میں نہیں آ سکی۔ مقامی شہریوں نے وزیراعلیٰ پنجاب اور انسپکٹر جنرل آف پولیس سے مطالبہ کیا ہے کہ جرائم کی بڑھتی ہوئی شرح کو روکنے اور عوامی تحفظ کو یقینی بنانے کے لیے فوری اقدامات کیے جائیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…