لاہور ہائی کورٹ نے چیف جسٹس عالیہ نیلم کی منظوری کے بعد پنجاب بھر میں 18 سیشن ججوں کے تبادلے اور تقرریاں کر دی ہیں۔ اس سلسلے میں باقاعدہ نوٹیفکیشن جاری کر دیا گیا ہے جس کے تحت متعدد اضلاع میں تعیناتیوں اور او ایس ڈی کے عہدوں پر تقرریاں عمل میں لائی گئی ہیں۔
نوٹیفکیشن کے مطابق چار سیشن ججوں کو او ایس ڈی بنا کر لاہور سیشن کورٹس میں رپورٹ کرنے کی ہدایت کی گئی ہے۔ ان ججوں میں شہزاد رضا، ضیاء اللہ اور محمد نعیم شامل ہیں جن کا تعلق بالترتیب اوکاڑہ، ساہیوال اور شیخوپورہ سے ہے۔
اہم تقرریوں اور تبادلوں میں سردار اقبال ڈوگر کو وہاڑی سے لاہور، قمر الزمان کو سرگودھا سے گجرات، جبکہ عابد حسین کو بھکر سے شیخوپورہ تعینات کر دیا گیا ہے۔
دیگر تقرریوں میں محمد ندیم کو اوکاڑہ، عامر سلیم رانا کو رحیم یار خان سے منڈی بہاؤالدین اور ریحان بشیر کو قصور سے بھکر بھیج دیا گیا ہے۔
اسی طرح محمد فیصل کو ساہیوال، ناصر حسین کو راولپنڈی سے میانوالی اور اصغر علی کو میانوالی سے راولپنڈی تعینات کیا گیا ہے۔
مزید برآں محمد عباس کو ڈیرہ غازی خان سے وہاڑی، اعجاز الرحمان کو گجرات سے سرگودھا، محمد نوید کو ننکانہ صاحب، اظہار الحق کو رحیم یار خان، احمد نواز کو قصور اور محمد عطار بانی کو ڈیرہ غازی خان تعینات کیا گیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…