انسپکٹر جنرل آف پولیس اسلام آباد سید علی ناصر رضوی نے اسلام آباد ٹریفک پولیس کی خدمات کو جدید خطوط پر استوار کرتے ہوئے باضابطہ طور پر پیپر لیس لائسنسنگ سسٹم کا افتتاح کر دیا ہے۔ اس موقع پر چیف ٹریفک آفیسر محمد سرفراز ورک اور دیگر اعلیٰ افسران بھی موجود تھے۔
آئی جی اسلام آباد نے نئے قائم کردہ پیپر لیس کاؤنٹرز کا معائنہ کیا اور سسٹم کے موثر نفاذ کے لیے متعلقہ حکام کو خصوصی ہدایات جاری کیں۔ انہوں نے کہا کہ اس اقدام کا بنیادی مقصد شہریوں کو سہولت فراہم کرنا اور ان کے قیمتی وقت کی بچت کو یقینی بنانا ہے۔
سید علی ناصر رضوی نے وضاحت کی کہ پرانے نظام کے تحت شہریوں کو میڈیکل فارمز پُر کرنے، تصاویر منسلک کرنے اور متعدد دستاویزات جمع کروانے کی ضرورت پڑتی تھی، تاہم اب اس عمل کو مکمل طور پر ڈیجیٹل بنا دیا گیا ہے۔ اب شہریوں کو کسی بھی قسم کی کاغذی دستاویزات، فوٹو کاپیاں یا تصاویر ساتھ لانے کی ضرورت نہیں ہوگی۔
آئی جی اسلام آباد نے اس منصوبے کو قلیل مدت میں مکمل کرنے پر چیف ٹریفک آفیسر محمد سرفراز ورک اور ان کی ٹیم کی کارکردگی کو سراہا۔ انہوں نے مزید کہا کہ لائسنسنگ فیس کے نظام کو بھی جلد ڈیجیٹلائز کر دیا جائے گا۔
ٹریفک پولیس حکام کے مطابق اب شہریوں کو ڈرائیونگ لائسنس کے حصول کے لیے صرف اپنا کمپیوٹرائزڈ قومی شناختی کارڈ ہمراہ لانا ہوگا۔ میڈیکل معائنے سے لے کر لائسنس کے اجرا تک کا تمام تر عمل اب جدید ٹیکنالوجی کے ذریعے بغیر کسی کاغذی کارروائی کے مکمل کیا جائے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…