اسلام آباد میں ممنوعہ فنڈنگ کیس کے حوالے سے ایک اہم پیش رفت سامنے آئی ہے جس میں تفتیشی اداروں نے بانی پی ٹی آئی عمران خان اور دیگر نامزد ملزمان کے خلاف چالان عدالت میں جمع کروا دیا ہے۔
دستاویزات کے مطابق اس مقدمے میں عمران خان کو مرکزی ملزم قرار دیا گیا ہے۔ رجسٹرار آفس نے چالان کی جانچ پڑتال کا عمل شروع کر دیا ہے۔
مذکورہ کیس کی سماعت کل اسلام آباد کی بینکنگ کورٹ میں ہوگی۔ جج عبدالغفور کاکڑ مقدمے کی سماعت کریں گے۔
تفصیلات کے مطابق بانی پی ٹی آئی سمیت گیارہ ملزمان پر مختلف ممالک سے پارٹی اکاؤنٹس میں تقریباً اٹھارہ سو ٹرانزیکشنز کے ذریعے فنڈز وصول کرنے کا الزام ہے۔
چالان میں درج اعداد و شمار کے مطابق نیا پاکستان کے نام سے بائیس لاکھ ڈالر کی مبینہ غیر قانونی رقم وصول کی گئی جبکہ کچھ فنڈز ووٹ آن کرکٹ لمیٹڈ نامی کمپنی کے ذریعے منتقل کیے گئے۔
دوسری جانب اسلام آباد ہائی کورٹ نے ایک سو نوے ملین پاؤنڈ نیب ریفرنس میں عمران خان اور بشریٰ بی بی کی سزا کے خلاف دائر اپیل پر سماعت کے لیے کل کا دن مقرر کر دیا ہے۔
عدالت عالیہ کے چیف جسٹس سردار محمد سرفراز ڈوگر اور جسٹس محمد آصف پر مشتمل بینچ کیس کی سماعت کرے گا۔ رجسٹرار آفس کی جانب سے سماعت کے لیے کاز لسٹ بھی جاری کر دی گئی ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…