اسلام آباد ہائی کورٹ کے تین تبادلہ شدہ ججوں کی سیکیورٹی واپس لے لی گئی

اسلام آباد ہائی کورٹ کے ججوں کے تبادلوں کے بعد ایک اہم پیش رفت سامنے آئی ہے جس میں ان ججوں کی سیکیورٹی واپس لے لی گئی ہے۔ ذرائع کے مطابق تبادلے کا نوٹیفکیشن جاری ہونے کے بعد تینوں ججوں کی رہائش گاہوں پر تعینات سیکیورٹی اہلکاروں کو فوری طور پر واپس بلا لیا گیا ہے۔

ذرائع کا مزید کہنا ہے کہ ججوں کے ہمراہ موجود سیکیورٹی اسکواڈز اور ذاتی محافظوں کو بھی ڈیوٹی سے ہٹا دیا گیا ہے۔ جن ججوں کی سیکیورٹی واپس لی گئی ہے ان میں جسٹس محسن اختر کیانی، جسٹس بابر ستار اور جسٹس ثمن رفعت امتیاز شامل ہیں۔

مذکورہ جج صاحبان تاحال اسلام آباد میں ہی موجود ہیں اور انہوں نے اپنے تبادلوں کے بعد نئی تعیناتیوں پر تاحال چارج نہیں سنبھالا ہے۔