وزیر اعلیٰ بلوچستان میر سرفراز بگٹی نے پیر کے روز اسلام آباد میں جمعیت علماء اسلام کے سربراہ مولانا فضل الرحمان سے اہم ملاقات کی۔ اس نشست میں بلوچستان کی مجموعی سیاسی صورتحال اور صوبے میں امن و امان کے قیام پر تفصیلی تبادلہ خیال کیا گیا۔
ملاقات کے دوران دونوں رہنماؤں نے اس بات پر اتفاق کیا کہ دینی مدارس سے متعلق درپیش معاملات کو باہمی مشاورت اور افہام و تفہیم کے ذریعے حل کیا جائے گا۔ ذرائع کے مطابق بات چیت کا بنیادی مقصد صوبے میں استحکام کو یقینی بنانا اور سیاسی مشاورت کے ذریعے پیدا ہونے والے چیلنجز سے نمٹنا تھا۔
اس اہم ملاقات میں مولانا عبدالغفور حیدری، مولانا صلاح الدین ایوبی اور اسد محمود بھی موجود تھے۔
وزیر اعلیٰ بلوچستان منگل کے روز کوئٹہ روانہ ہوں گے جہاں وہ جمعیت علماء اسلام ف کے صوبائی قیادت سے مزید ملاقاتیں کریں گے تاکہ سیاسی امور پر مشاورت کا عمل جاری رکھا جا سکے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…