نیشنل بینک اسٹیڈیم کراچی میں کھیلے گئے تین میچوں پر مشتمل سیریز کے پہلے ون ڈے انٹرنیشنل میں پاکستان ویمن ٹیم نے زمبابوے کو 168 رنز کے بڑے مارجن سے شکست دے کر سیریز میں برتری حاصل کر لی ہے۔ پاکستان کی جانب سے 330 رنز کے ہدف کے تعاقب میں مہمان ٹیم 36.4 اوورز میں 162 رنز پر ڈھیر ہوگئی۔ یہ پاکستان ویمن کرکٹ ٹیم کی رنز کے اعتبار سے ون ڈے فارمیٹ میں دوسری بڑی فتح ہے۔
پاکستان کرکٹ بورڈ کے مطابق یہ زمبابوے ویمن ٹیم کا پاکستان کا پہلا دورہ ہے اور دونوں ٹیموں کے درمیان یہ پہلی دو طرفہ ون ڈے سیریز ہے۔ اس فتح کے بعد آئی سی سی ویمن چیمپئن شپ میں پاکستان کے چار میچوں میں چار پوائنٹس ہوگئے ہیں۔
میچ میں پاکستان نے پہلے بیٹنگ کرتے ہوئے مقررہ 50 اوورز میں پانچ وکٹوں کے نقصان پر 330 رنز بنائے۔ اوپننگ بیٹر صدف شمس 98 رنز بنا کر نمایاں رہیں، وہ اپنی سنچری سے محض دو رنز کی دوری پر آؤٹ ہوئیں۔ انہوں نے گل فیروزہ کے ساتھ مل کر 162 رنز کی اوپننگ شراکت قائم کی، جو پاکستان کی جانب سے ون ڈے میں دوسری بلند ترین اوپننگ پارٹنرشپ ہے۔ گل فیروزہ نے 50 رنز بنائے۔
مڈل آرڈر میں سدرہ امین نے 67 جبکہ نجیبہ علوی نے جارحانہ بیٹنگ کرتے ہوئے 30 گیندوں پر ناقابل شکست 56 رنز بنائے۔ نجیبہ علوی نے صرف 24 گیندوں پر اپنی نصف سنچری مکمل کی جو کہ پاکستانی ویمن کرکٹ کی تاریخ کی تیز ترین نصف سنچری کا نیا ریکارڈ ہے۔ اس سے قبل یہ ریکارڈ کپتان فاطمہ ثنا کے پاس تھا جنہوں نے 35 گیندوں پر ففٹی بنائی تھی۔
زمبابوے کی جانب سے پریشس مارانگی نے 39 رنز دے کر تین وکٹیں حاصل کیں۔ ہدف کے تعاقب میں زمبابوے کی بیٹرز پاکستانی بولنگ اٹیک کے سامنے بے بس نظر آئیں۔ بیلووڈ بیزا 53 رنز کے ساتھ ٹاپ اسکورر رہیں۔
پاکستان کی جانب سے تسمیہ رباب، فاطمہ ثنا اور سیدہ عروج شاہ نے دو دو کھلاڑیوں کو آؤٹ کیا۔ ڈیبیو کرنے والی بائیں ہاتھ کی اسپنر مومینہ ریاست نے ایک وکٹ حاصل کی۔ شاندار کارکردگی پر صدف شمس کو پلیئر آف دی میچ قرار دیا گیا۔ سیریز کا دوسرا میچ بدھ کے روز کھیلا جائے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…